Steven Allan SpielbergKBE (gebore 18 Desember 1946) is 'n Amerikaanse regisseur, vervaardiger en draaiboekskrywer. Hy is 'n belangrike figuur in die New Hollywood-tydperk en 'n pionier van die moderne supertreffer. Hy is die kommersieel suksesvolste regisseur in die geskiedenis[1] en is al 'n rekordgetal van 13 keer vir 'nOscar vir beste prent benoem.
Spielberg het talle pryse gewen, insluitende drieOscars, tweeBaftas en vier Directors Guild of America-pryse, sowel as die AFI Life Achievement-prys in 1995, dieKennedysentrum-eerbewys in 2006, dieCecil B. DeMille-prys in 2009 en die Presidensiële Vryheidsmedalje in 2015. Sewe van sy rolprente is deur dieLibrary of Congress in die Nasionale Rolprentregister ingesluit as "kultureel, histories of esteties belangrik".[2][3]
Spielberg het in Kalifornië in die rolprentwese studeer. Nadat hy verskeietelevisie-episodes verfilm het, het hy die TV-fliekDuel (1971) geregisseer. In 1975 het hy beroemd geraak met die supertrefferJaws. Hy was die regisseur van nog lokettreffers soosClose Encounters of the Third Kind (1977),E.T. the Extra-Terrestrial (1982) en die oorspronklikeIndiana Jones-trilogie (1981-'89). Hy het daarna die dramarolprenteThe Color Purple (1985) enEmpire of the Sun (1987) geregisseer.
In 1993 het Spielberg twee treffers geregisseer: diewetenskapsfiksieprentJurassic Park, die grootste lokettreffer destyds, en dieHolocaustdramaSchindler's List, wat dikwels genoem word een van die beste rolprente wat nog gemaak is. Hy het die Oscar vir laasgenoemde en die epiese 1998-rolprentSaving Private Ryan oor dieTweede Wêreldoorlog gewen. Sy rolprente daarna sluit inA.I. Artificial Intelligence (2001),Minority Report (2002) enWar of the Worlds (2005); die avontuurprenteThe Adventures of Tintin (2011) enReady Player One (2018); die historiese dramasAmistad (1997),Munich (2005),War Horse (2011),Lincoln (2012),Bridge of Spies (2015) enThe Post (2017); die musiekprentWest Side Story (2021); en die halfoutobiografiese dramaThe Fabelmans (2022).
Spielberg is op 18 Desember 1946 inCincinnati,Ohio, gebore.[4][5] Sy moeder, Leah,[6] was 'n restaurateur en konsertpianis en sy vader, Arnold,[7] 'n elektriese ingenieur wat betrokke was by die ontwikkeling vanrekenaars.
Vroeg in 1957 het die gesin naPhoenix, Arizona, verhuis.[8][9] Toe hy 13 was, het Spielberg 'n barmitswaseremonie gehad.[10] Sy ouers was by die sinagoge betrokke en het baieJoodse vriende gehad.[11] Sy vader het baie oor dieHolocaust gepraat en dit was altyd in sy gedagtes.[11] Hy hetJudaïsme ontgroei tydens syadolessensie, nadat sy gesin na verskeie buurte getrek en hulle die enigste Jode daar was.[12][13]
Spielberg se belangstelling inrolprente het vroeg begin. Hy het sy eerste tuisfliek op 12-jarige ouderdom gemaak.[14] Met sy vader se rolprentkamera het hy op 13 'n oorlogsfliek van 40 minute gemaak, met sy klasmaats as akteurs. Dit het die eerste prys in 'n staatswye kompetisie gewen.[15][16] Later in sy skoolloopbaan het hy sowat 15 tot 20 avontuurprente gemaak.[17][18]
Hy het in 1963 sy eerste onafhanklike rolprent, 'nwetenskapsfiksieavontuur van 140 minute,Firelight, gemaak. Dit was later die inspirasie virClose Encounters of the Third Kind.[19][20] In die somer van 1964 het hy as 'n onbetaalde assistent byUniversal Studios se redigeringsafdeling gewerk.[21][22] Sy gesin het later na Saratoga,Kalifornië, verhuis, waar hy die plaaslike hoërskool bygewoon het, tot in 1965.[23] 'n Jaar later is sy ouers geskei en hy het saam met sy vader naLos Angeles verhuis.[24] Sy moeder en drie susters het in Saratoga agtergebly.
In 1968 het Universal Spielberg die kans gegee om 'n kortfliek te skryf en regisseer:Amblin', van 26 minute. Die ateljee se visepresident, Sidney Sheinberg, was beïndruk daarmee en het Spielberg 'n regisseurskontrak van sewe jaar aangebied.[25]
Spielberg se professionele debuut was die regie in 1969 van dele van die loodsepisode van die rolprentNight Gallery, geskryf deur Rod Serling en metJoan Crawford.[26] Sy aanvanklike bydraes het gemengde reaksie ontlok, veral twyfel van Crawford oor sy min ondervinding.[27] Hy het die ateljeewerk vir 'n ruk gelos.
Crawford, wat later oor haar samewerking met Spielberg besin het, het sy potensiaal raakgesien en dit in 'n nota aan hom gesê, asook aan Rod Serling. Dit het Spielberg die erkenning help kry vir sy latere loopbaan.[28] In die vroeë 1970's het Spielberg draaiboeke geskryf en TV-episodes geregisseer. Dit sluit inMarcus Welby, M.D.,The Name of the Game enThe Psychiatrist.[29] Hoewel hy nie tevrede met dié soort werk was nie,[30] het hy die tyd gebruik om met sy tegnieke te eksperimenteer en meer oor die maak van rolprente te leer. Hy het goeie resensies gekry en vervaardigers beïndruk.[29]
Universal het Spielberg opdrag vir vier TV-rolprente gegee.[31] Die eerste wasDuel (1971), wat goeie resensies ontlok het en Universal het Spielberg gevra om nog tonele te skiet sodat dit internasionaal uitgereik kon word.[32] Nog TV-prente het gevolg:Something Evil (1972) enSavage (1973).
In 1974 het Spielberg sy rolprentteaterdebuut gemaak metThe Sugarland Express, metGoldie Hawn enWilliam Atherton. Dit was die eerste van baie samewerkings met die komponisJohn Williams.[33] Hoewel dit die prys vir beste draaiboek op dieCannes-rolprentfees 1974 gewen het, was dit nie 'n kommersiële sukses nie.[33][34] Die resensies was wel goed, en Pauline Kael het geskryf Spielberg "kan een van daardie skaars regisseur wees, 'n gebore vermaakkunstenaar".[35]The Hollywood Reporter het geskryf daar is 'n "groot nuwe regisseur aan die horison".[36]
Die ingang tot die Jaws-rit by Universal se Florida-ateljee. Dit is nou gesluit.
Die vervaardigers Richard D. Zanuck en David Brown het besluit om Spielberg die geleentheid te gee omJaws (1975) te regisseer. Dit is geskoei op die roman deur Peter Benchley met dieselfde naam. Dit gaan oor 'nwithaai wat mense op 'n vakansiedorp aanval en die polisiehoof Martin Brody (Roy Scheider) aanspoor om jag daarop te maak met die hulp van 'n mariene bioloog (Richard Dreyfuss) en 'n veteraanhaaijagter (Robert Shaw).Jaws was die eerste prent wat op die oop see verfilm is,[37] en dus was die verfilming moeilik en die meganiese haai het dikwels nie gewerk nie. Die werk het 100 dae langer geduur as beplan en Universal het gedreig om die rolprent te kanselleer.[38] Teen die verwagting in, wasJaws 'n sukses en het dit die grootste binnelandse lokettreffer geword. Spielberg was 'n huishoudelike naam.[39] Die prent hetOscars gewen vir die beste redigeerwerk, beste oorspronklike dramamusiek en beste klank. Spielberg het gesê die feit dat die haai nie wou werk nie, het 'n beter rolprent tot gevolg gehad, want hy moes aan maniere dink om die haai te suggereer sonder om dit te wys. NadatAlfred Hitchcock die onkonvensionele kamerategnieke inJaws gesien het, het hy die "jong Spielberg" geprys omdat hy buite die visuele dinamika van die teater gedink het.[40]
Ná die sukses vanJaws het Spielberg die aanbod omJaws 2 te maak van die hand gewys.[41] Hy en Richard Dreyfuss het weer saamgewerk aan 'n rolprent oorVVV's,Close Encounters of the Third Kind (1977). Dit was een van die min rolprente wat Spielberg geskryf én geregisseer het, en was baie gewild by die loket.[42] Spielberg het sy eerste Oscarbenoeming vir beste regisseur gekry. Die prent het nog ses benoemings gekry en het die prys op die50ste Oscar-toekenningsaand gewen vir beste kinematografie en beste klankeffekredigering.[43] Die resensent Stanley Kauffmann het dit eerste geplaas op sy lys van beste Amerikaanse rolprente van 1968-'77.[44]
Spielberg se eerste prent as uitvoerende vervaardiger wasI Wanna Hold Your Hand (1978). Sy volgende regiewerk was aan die komedie1941. Hy was skrikkerig om komedie aan te pak, want hy het geen ondervinding in diegenre gehad nie.1941 was kommersieel suksesvol,[45] maar die meeste resensente en die ateljeebase het nie daarvan gehou nie.[46] Een resensent het1941 beskryf as "die opvallendse vermorsing sedert die laaste groot oliestorting", en dit lyk ook amper soos een.[47]Stanley Kubrick het na bewering gesê die prent was "goed, maar nie snaaks nie".[48]
Spielberg het in 1980Used Cars vervaardig. Die resensies was goed, maar dit was nie 'n kommersiële sukses nie. Hy het in 1981Raiders of the Lost Ark geregisseer, geskoei op 'n verhaal deurGeorge Lucas en Philip Kaufman, en metHarrison Ford as Indiana Jones. Dit was 'n lokettreffer[49] en het op die54ste Oscar-toekenningsaand die prys gewen vir beste redigering, beste kunsredigering, beste klank, beste klankredigering en beste visuele effekte.[50]Raiders was die eerste prent in dieIndiana Jones-franchise.
Spielberg en Chandran Rutnam in Sri Lanka tydens die verfilming vanIndiana Jones and the Temple of Doom.
In 1982 het Spielberg teruggekeer na wetenskapsfiksie metE.T. the Extra-Terrestrial. Die reaksie was ekstaties. Volgens die vervaardiger Kathleen Kennedy "kon jy nie die einde van die prent hoor nie, want mense was op hulle voete en het voete gestamp en gegil [...] Dit was een van die wonderlikste ervarings."[51]E.T. het vier pryse gewen op die55ste Oscar-toekenningsaand: vir die beste oorspronklike musiek (John Williams), beste klank, beste klankredigering en beste visuele effekte.[52] Dit is benoem vir beste prent, maarGandhi het gewen; die regisseur van dié prent,Richard Attenborough, het gesê: "Ek was nie net seker datE.T. sou wen nie, maar ook dat dit moes wen. Dit was vindingryk, kragtig, wonderlik."[53]
In 1982 was Spielberg die medeskrywer en vervaardiger vanPoltergeist[49] en die regisseur van die "Kick The Can"-segment inTwilight Zone: The Movie.[54] Sy volgende regiewerk was aanIndiana Jones and the Temple of Doom (1984). Spielberg het later gesê hy was ongelukkig metTemple of Doom, wat dit het "sy persoonlike aanslag en liefde" ontbreek.[55] Dit was egter 'n lokettreffer,[56] en het die Oscar vir beste spesiale effekte gewen.[55] Dit was op dié projek dat Spielberg sy toekomstige vrouKate Capshaw ontmoet het. Sy het die rol van Willie Scott vertolk.[57]
In 1984 het Spielberg, Kennedy en Frank Marshall die vervaardigingsmaatskappy Amblin Entertainment gestig.[58] Tussen 1984 en 1990 was Spielberg óf die vervaardiger óf die uitvoerende vervaardiger van 19 rolprente,[59] insluitendeGremlins (1984),Back to the Future (1985),Who Framed Roger Rabbit (1988) enCape Fear (1991).[60][61][62]
Baie van Spielberg se vervaardigingswerk was op kinders gerig, soosTiny Toon Adventures,Animaniacs enFamily Dog.[63] In 1985 het NBC Spielberg 'n tweejaarkontrak aangebied vir 'n TV-reeks,Amazing Stories. Ná twee seisoene en 'n teleurstellende reaksie is die reeks nie hernu nie.[64] In 1992 het Spielberg minder vervaaardigingswerk begin doen, omdat dit "die mees onvervullende aspek is van die werk wat ek die afgelope dekade gedoen het".[65]
Vroeg in die 1980's het Spielberg en die uitvoerende beampte van Warner Communications, Steve Ross, bevriend geraak. Dit het eindelik daartoe gelei dat hy rolprente vir Warner Bros. begin maak het.[66] Die eerste prent wasThe Color Purple (1985), 'n verwerking van Alice Walker se roman met dieselfde naam, wat diePulitzerprys gewen het. Dit was Spielberg se eerste prent met 'n dramatiese onderwerp.[67] Die fliek, met onder andereWhoopi Goldberg enOprah Winfrey, was 'n lokettreffer en resensente het begin oplet na Spielberg se toetrede tot die dramagenre.[67] Volgens die resensent Ebert was dit die beste rolprent van die jaar.[68] Dit het 11 benoemings gekry vir die58ste Oscar-toekenningsaand, en Spielberg het die prys vir beste regisseur van die Amerikaanse Regisseursgilde gewen.[67] Die vervaardiging en musiek was deurQuincy Jones.
Spielberg in Maart 1990.
NadatChina ekonomiese hervormings ondergaan en 'n belangstelling in die Amerikaanse rolprentbedryf getoon het, het SpielbergEmpire of the Sun (1987) geregisseer. Dit was die eerste Amerikaanse rolprent wat inShanghai verfilm is sedert die 1930's.[69]
Die resensies was gemeng met die uitreiking daarvan; kritiek was gemik teen van die "oorspanne" storielyn tot Spielberg se onderspeling van "siekte en verhongering".[70][71] Andrew Sarris het dit egter die beste prent van die jaar genoem, en later een van die bestes van die dekade.[72] Dit is vir ses Oscars benoem op die60ste Oscar-toekenningsaand,[73] maar dit was 'n teleurstelling by die loket.[74] Spielberg het gesêEmpire of the Sun was een van die genotvolste rolprente wat hy gemaak het.[75]
NáThe Color Purple enEmpire of the Sun wou SpielbergRain Man regisseer, maar het eerderIndiana Jones and the Last Crusade (1989) gemaak om sy kontrakverpligtinge na te kom.[76] Vanweë klagtes oor geweld inTemple of Doom, het Spielberg die derde prent ligter gemaak.[77]Last Crusade het meestal positiewe resensies gekry en was 'n sukses by die loket. Dit was sy grootste treffer sedertE.T.[78]
Ná 'n kort ruk waarin hy 'n "artistieke terugslag" beleef het,[79] het Spielberg in 1991 teruggekeer metHook, metRobin Williams as 'n middeljarige Peter Pan,Julia Roberts as Tinker Bell enDustin Hoffman asCaptain Hook. Dit is vir vyf pryse benoem vir die64ste Oscar-toekenningsaand, maar het swak resensies gekry; Thomson het dit "stroperig" genoem.[80] Desson Howe het gedink dit is alledaags.[81] In 1994 het Spielberg die TV-reeksER vervaardig[82] en weer sukses behaal.
In 1993 het hy teruggekeer na avontuur metJurassic Park, wat geskoei is op die roman met dieselfde naam deurMichael Crichton. Dit was toe die fliek wat die meeste geld laat inrol het en het drie pryse gewen op die66ste Oscar-toekenningsaand.[83]
Spielberg ontvang dieGoue Leeu by die Italiaanse vervaardiger Gillo Pontecorvo op die 50ste Weense Rolprentfees, 1993.
Ook in 1993 was Spielberg die regisseur vanSchindler's List, geskoei opSchindler's Ark deur Thomas Keneally. Spielberg het 10 jaar gewag om die prent te maak omdat hy nie "volwasse" genoeg gevoel het nie.[84] Hy wou sy erfenis omarm[85][86] en het ná sy seun Max se geboorte gesê dit het hom baie geraak. "'n Gees is in my wakker gemaak en ek het 'n Joodse pa geword."[87] Verfilming het op 1 Maart 1993 inPole begin terwyl Spielberg steeds saansJurassic Park geredigeer het.[88] HoewelSchindler's List deur die meeste resensente geprys is, het sommige, soos die vervaardiger Claude Lanzmann, die rolprent gekritiseer oor die swak uitbeelding van die Holocaust.[89]
Teen die verwagting in, was die prent 'n kommersiële sukses.[90] Dit het in 1966 sewe Oscars gewen, insluitende beste prent en beste regiseur, Spielberg se eerste.[91] Verder het dit seweBaftas en drieGolden Globes gewen.[92][93] Volgens die Amerikaanse Rolprentinstituut isSchindler's List "een van die 100 beste Amerikaanse rolprente wat nog gemaak is".[94]
In 1994 het Spielberg vir 'n ruk minder regie gedoen sodat hy meer tyd saam met sy gesin kon deurbring. Hy het 'n nuwe rolprentateljee, DreamWorks, saam met Jeffrey Katzenberg en David Geffen gestig.[95][90] DreamWorks se beleggers sluit inMicrosoft se stigtersPaul Allen enBill Gates.[96]
Ná sy tydjie weg van regie het hy 'n opvolg vanJurassic Park gemaak:The Lost World: Jurassic Park (1997). Dit het in Mei 1997 begin draai en was een van die grootste lokettreffers van die jaar.[97]
Spielberg praat op 11 Augustus 1999 by diePentagon nadat hy die departement van verdediging se medalje vir voortreflike openbare diens ontvang het.
Sy rolprent van 1997,Amistad, die eerste een wat deur DreamWorks uitgereik is, is geskoei op die ware verhaal van gebeure in 1839 aan boord van die slaweskip La Amistad. Van die akteurs isMorgan Freeman,Anthony Hopkins,Djimon Hounsou enMatthew McConaughey.[98][99] Die prent het nie 'n groot gehoor gelok nie en nie te waffers by die loket gevaar nie.[100] Spielberg het erkenAmistad "het te veel van 'n geskiedenisles geword".[101]
Spielberg het in 1998 die epieseWOII-verhaalSaving Private Ryan uitgereik, metTom Hanks. Resensente het die regie en die realistiese uitbeelding van die oorlog geprys.[102] Die prent was 'n loketsukses,[103] en Spielberg het op die71ste Oscar-toekenningsaand 'n tweede Oscar vir beste regisseur gewen.[104]
In Augustus 1999 is die medalje vir voortreflike openbare diens van die minister van verdediging aan Spielberg en Hanks toegeken.[105][106] Roger Ebert het geskryf: "Spielberg weet hoe om gehore te laat huil beter as enige regisseur sedertChaplin inCity Lights.[107]
In 2001 was Spielberg en Hanks die vervaardigers van die TV-minireeksBand of Brothers, wat 'n Golden Globe gekry het vir beste minireeks.[108] In dieselfde jaar het Spielberg teruggekeer na wetenskapsfiksie met die rolprentA.I. Artificial Intelligence.Stanley Kubrick het Spielberg in 1979 die eerste keer gevra om die prent te regisseer. Spielberg het dit in die styl probeer maak waarin Kubrick sou,[109] maar volgens sommige resensente met gemengde resultate.[110] Hulle het gevoel Spielberg se regie was sentimenteel.[111]. Baie resensente was egter dol daaroor, soos Jonathan Rosenbaum en A.O. Scott.[112][113]
Daarna het die wetenskapsfiksieprentMinority Report (2002) gevolg, asookCatch Me If You Can, metLeonardo DiCaprio,Christopher Walken en Hanks. Hy het in 2004 saam met Hanks,Catherine Zeta-Jones enStanley Tucci gewerk aan die lighartige komedieThe Terminal. Dit was 'n kommersiële sukses, maar die resensies was gemeng.[114] In 2005 was hy die regisseur vanWar of the Worlds, 'n prent metTom Cruise enDakota Fanning wat geskoei was op die boek vanH.G. Wells met dieselfde naam. Dit was 'n lokettreffer.[115]
Spielberg seMunich (2005) gaan oor dieIsraeliese regering se geheime weerwraak ná die ontvoering van en moord op 11 Israeliese Olimpiese atlete in 1972 inMünchen. Hy het raad by onder andere oudpresidentBill Clinton gevra voordat hy die prent gemaak het, omdat hy nie verdere probleme in dieMidde-Ooste wou veroorsaak nie.[116] Hoewel die resensies meestal goed was, het sommige resensente dit asantisemities beskou;[117] dit was een van Spielberg se mees omstrede prente nog.[118]Munich isvir vyf Oscars benoem, onder andere vir Spielberg as regisseur.[119][120]
Spielberg en Bill Clinton, 2009.
In die middel 2000's het Spielberg sy regieloopbaan afgeskaal en hy en sy vennote het DreamWorks verkoop.[120] In dié tyd was hy steeds aktief as die vervaardiger van prente soosMemoirs of a Geisha (2005),Monster House (2006) enFlags of Our Fathers (2006) saam metClint Eastwood.
Spielberg het in 2008 na dieIndiana Jones-reeks teruggekeer met die vierde prent,Indiana Jones and the Kingdom of the Crystal Skull. Dit is uitgereik 19 jaar náLast Crusade en speel in 1957 af.[121][122] Die prent het oor die algemeen positiewe resensies gekry, maar sommige aanhangers was teleurgesteld oor die wetenskapsfiksie-elemente, wat nie kenmerkend van die vorige prente was nie.[123][124] Dit was egter 'n sukses by die loket.[125]
Daarna hetWar Horse gevolg,[130] wat vier dae náTintin uitgereik is. Dit was die eerste van vier agtereenvolgende prente van Spielberg wat deurDisney uitgereik is.War Horse is goed deur resensente ontvang,[131] en isvir ses Oscars benoem, insluitende beste prent.[132]
Spielberg was regisseur van die historiese dramaLincoln (2012), metDaniel Day-Lewis as presidentAbraham Lincoln enSally Field as sy vrou.[133] Die prent gaan oor die laaste vier maande van Lincoln se lewe en is laat in 2011 inRichmond, Virginië, geskiet.[134]Lincoln is geprys en het goed by die loket gevaar.[135] Dit isvir 12 Oscars benoem, insluitende beste prent en beste regisseur.[136] Dit het gewen vir beste produksie-ontwerp en beste akteur (Day-Lewis).[131]
In 2015 het SpielbergBridge of Spies verfilm, oor 'n vliegtuig wat in dieKoue Oorlog neergeskiet is. Die draaiboek was deur dieCoen-broers, en van die akteurs was Hanks,Mark Rylance,Amy Ryan enAlan Alda.[137] Dit was gewild onder resensente,[138] en isvir ses Oscars benoem, insluitende vir beste prent. Rylance het die Oscar vir beste manlike byspeler gewen.[139]
In 2016 het SpielbergThe BFG gemaak. Dit was 'n verwerking vanRoald Dahl se kinderboekDie GSR, met die nuweling Ruby Barnhill enMark Rylance as die Groot Sagmoedige Reus.[140]The BFG se première was 'n buite-kompetisie-inskrywing op dieCannes-rolprentfees 2016.[141]
Die resensies was goed. Michael Phillips vanChicago Tribune het sekere tonele vergelyk met die werk vanAlfred Hitchcock enStanley Kubrick.[142]Toronto Sun se Liz Braun het gevoel hoewel daar genotvolle oomblikke was, was dit te lank.[143]
Gabriel LaBelle in 2022 op die première vanThe Fabelmans.
In 2019 het SpielbergWest Side Story verfilm, wat 'n verwerking van die musiekblyspel is.[144] Die akteurs sluitAnsel Elgort enRachel Zegler in, metAriana DeBose,Mike Faist enRita Moreno in byrolle.[145]West Side Story het goeie resensies gekry en is vir sewe Oscars benoem, insluitende beste prent en beste regisseur.[146] Spielberg is ook benoem vir pryse van die Golden Globe Awards, Regisseursgilde van Amerika en Critics' Choice Movie Awards.[147]
Spielberg se rolprentThe Fabelmans van 2022 is 'n fiktiewe weergawe van sy eie adolessensie wat hy saam met Tony Kushner geskryf het.[148]Gabriel LaBelle vertolk die rol van Sammy Fabelman, 'n karakter wat deur Spielberg geïnspireer is, terwylMichelle Williams die rol van Sammy se moeder, Mitzi, vertolk enPaul Dano dié van sy vader, Burt. Ander akteurs sluit inSeth Rogen enJudd Hirsch.[149] Dit is wyd geprys in resensies, maar tog wasWest Side Story enThe Fabelmans mislukkings by die loket. Die tydskrifVariety het dit toegeskryf aan 'n afname in die gewildheid van Spielberg in 'n fliekomgewing wat deur dieCovid-19-pandemie verander is, omdat die publiek belangstelling verloor het in prestigeryke rolprente.[150]
The Fabelmans het sewe Oscarbenoemings gekry, insluitende vir beste prent, beste regisseur en beste oorspronklike draaiboek.[151][152] InFrankryk was dit 'n reusesukses en het dit die 21ste-eeuse prent met die hoogste waardering geword. VolgensCahiers du Cinéma sal die prent "ongetwyfeld die belangrikste rolprent van sy loopbaan bly".[153]
Volgens Spielberg was Frank Capra seIt's A Wonderful Life (1946) 'n invloed op "familie, gemeenskap en die voorstede".[154] Hy het die werk vanAlfred Hitchcock,[155][156] David Lean,[157] John Ford,Stanley Kubrick en John Frankenheimer geniet.[158][159] Op universiteit is hy geïnspireer deur die buitelandse prente vanIngmar Bergman, Jacques Tati enFrançois Truffaut. Laasgenoemde was een van sy gunstelingregisseurs.[160]Spencer Tracy het ook die karakters van Spielberg se prente beïnvloed,[161] asook die TV-reeksThe Twilight Zone.[26]
Spielberg gebruik dikwels storieborde om die verhaal te visualiseer.[162][163] Ná sy ondervinding metJaws het hy gewoonlik die tonele met spesiale effekte vir laaste gelos en die media van die rolprentstelle weggehou.[164] Spielberg het verkies om vinnig te skiet, met baie verskillende skote, sodat hy 'n groot opsie sou hê in die redigeringskamer.[165] Teen die tyd vanMinority Report het hy meer vertroue gehad met ingewikkelde kamerabewegings.[166]
Spielberg se prente bevat baie ooreenstemmende temas. Een van die algemeenstes is "gewone mense in buitengewone omstandighede".[158][167] Die gewone mense het gewoonlik beperkings, maar slaag daarin om 'n "held" te word.[167] 'n Deurlopende tema in sy gesinsvriendelike werk is 'n kinderlike wonder en geloof, en die idee "die goeie in die mens sal seëvier".[167] Van die temas wat hy verken, is die belangrikheid van kind wees, die verlies van onskuld, en die noodsaaklikheid van ouerfigure.[168]
In die verhoudings tusen ouer en kind is daar dikwels 'n gebrekkige of onverantwoordelike vaderfiguur. Dié tema het betrekking op Spielberg se eie kinderjare.[169] Die verkenning vanbuiteaardse lewe is nog 'n aspek van sy werk. Spielberg het homself in sy kinderjare as 'n "boaardse wese" (alien) beskryf.[170] Dié belangstelling kom van sy vader, 'n aanhanger van wetenskapsfiksie.[171]
Spielberg het die aktriseAmy Irving in 1976 ontmoet toe sy 'n oudisie afgelê het virClose Encounters of the Third Kind.[172] Hoewel sy te jonk vir die rol was, het sy en Spielberg begin uitgaan en het sy by hom ingetrek.[173] Hulle is in 1979 uitmekaar.[55] In 1984 het hulle weer romanties betrokke geraak en in November 1985 is hulle getroud. Hulle seun, Max, is op 13 Junie dié jaar gebore.[174] In 1989 is die paartjie geskei, maar het besluit om naby mekaar te woon om toesig oor Max te deel.[78] Hulle egskeidingskikking is een van die duurstes in die geskiedenis.[175][55]
Spielberg het die aktriseKate Capshaw in 1984 ontmoet toe hy haar gebruik het inIndiana Jones and the Temple of Doom. Hulle is op 12 Oktober 1991 getroud nadat Capshaw haar tot dieJudaïsme bekeer het.[176][177] Hulle het vyf kinders: Sasha (1990), Sawyer (1992)[178] en Destry (1996); en twee aangenome kinders, Theo en Mikaela.[179] Hy het ook 'n stiefdogter, Jessica Capshaw.
In 1997 het 'n man met die naam Jonathan Norman Spielberg beskruip en probeer om sy huis binne te gaan; Norman is vir 25 jaar tronk toe gestuur.[180][181] In 2001 is Spielberg bekruip deur die komplotteoris en voormalige maatskaplike werker Diana Napolis. Sy het hom en die aktriseJennifer Love Hewitt daarvan beskuldig dat hulle 'n breinspoelingstoestel in haar brein ingeplant het en deel van 'nsataniese kultus is.[182] Napolis is tot 'n geestesinrigting toegelaat en het skuld op bekruiping beken. Sy is op parool vrygelaat op voorwaarde dat sy geen verdere kontak met Spielberg of Hewitt het nie.[183][184]
In 2013 het Spielberg die 86m langeseiljagThe Seven Seas vir $182miljoen gekoop. Hy het dit weer te koop aangebied en vir huurvaarte beskikbaar gestel. Teen $1,2miljoen per maand is dit een van die duurste huurseiljagte op die mark. Hy het 'n nuwe 911meter lange seiljag gekoop van na bewering $250miljoen.[185][186]
Spielberg is op 60-jarige ouderdom metdisleksie gediagnoseer.[187] In 2022, op 75-jarige ouderdom, is Covid-19 by hom gediagnoseer, maar hy het herstel.[188]
Spielberg ontvang 'n prys vir openbare diens van die Amerikaanse minister van verdediging, William Cohen (1999).
Spielberg het al talle pryse ontvang, wat die volgende insluit: Hy het drieOscars gewen. Hy het nege benoemings gekry vir beste regisseur en het twee gewen: virSchindler's List enSaving Private Ryan.[189][190] Sy derde Oscar was vir beste rolprent:Schindler's List.[91] Hy is die enigste regisseur wat in ses verskillende dekades 'n Oscarbenoeming gekry het. In 2024 op die96ste Oscar-toekenningsaand is hy die 13de keer vir beste prent benoem, wat 'n rekord is. In 1987 het hy die Irving G. Thalberg-herdenkingsprys gewen vir sy werk as 'n skeppende vervaardiger.[191]
In 1998 het hy die Meriete-orde van die Federale Republiek Duitsland ontvang vir sy werk aanSchindler's List en vir die Shoah-stigting.[192] Spielberg het in 1999 die Amerikaanse departement van verdediging se medalje vir voortreflike openbare diens ontvang virSaving Private Ryan.[193] Vir dieselfde prent het hy 'n prys van die Amerikaanse Regisseursgilde gewen.[193]
In 2005 is Spielberg in die Wetenskapsfiksie-eresaal opgeneem. Dit was die eerste jaar waarin nieskrywers toegelaat is.[196][197] In 2009 was Spielberg die ontvanger van dieCecil B. DeMille-prys, ’n ere-Golden Globe wat deur die Hollywood Foreign Press Association toegeken word.[198]
Spielberg was 'n figuur van die New Hollywood-tydperk[203] en word algemeen beskou as een van die invloedrykste en kommersieel suksesvolste rolprentregisseurs van alle tye. 'n Paar van sy prente was onder die 10 wat in die 1970's en 1980's die meeste by die loket verdien het.Jaws,E.T. the Extra-Terrestrial enJurassic Park het met hulle uitreiking almal die meeste geld in hulle onderskeiegenres verdien.[204][205][206]
In 1996 het die tydskrifLife Spielberg aangewys as die invloedrykste persoon van sy generasie.[207] In 2003 hetPremiere hom eerste geplaas op hulle lys van die 100 magtigste mense in die fliekbedryf.[204] In 2005 hetEmpire hom eerste geplaas op 'n lys van die grootste rolprentregisseurs van alle tye.[208] In 2013 hetTime hom gelys as een van die 100 invloedrykste mense.[209] VolgensForbes se lys van invloedrykste sterre van 2014, was Spielberg ook eerste.[210]
Sewe van sy prente is deur dieLibrary of Congress in die Amerikaanse Nasionale Rolprentregister opgeneem as "kutureel, histories of esteties belangrik":Jaws, Close Encounters of the Third Kind, Raiders of the Lost Ark, E.T., Jurassic Park, Schindler's List enSaving Private Ryan.[3]
↑Chandler, Charlotte (2008).Not the Girl Next Door: Joan Crawford, a Personal Biography (1st Simon & Schuster hardcoveruitg.). New York: Simon & Schuster. p.262.ISBN978-1-4165-4751-8.OCLC166273792.
↑Gleiberman, Owen (1 Augustus 2007)."The Bourne Ultimatum".Entertainment Weekly.Geargiveer vanaf die oorspronklike op 22 Oktober 2019. Besoek op22 Oktober 2019.
↑"The 54th Academy Awards | 1982".Oscars.org| Academy of Motion Picture Arts and Sciences (in Engels). Academy of Motion Picture Arts and Sciences.Geargiveer vanaf die oorspronklike op 17 April 2018. Besoek op18 Desember 2020.
↑Ebert, Roger (24 Julie 1998)."Saving Private Ryan".The Chicago Sun-Times.Geargiveer vanaf die oorspronklike op 18 Desember 2022. Besoek op23 November 2023.
↑"Band of Brothers" (in Engels). Golden Globe Awards.Geargiveer vanaf die oorspronklike op 1 Januarie 2021. Besoek op1 Desember 2020.
↑Rosenbaum, Jonathan (13 Julie 2001)."The Best of Both Worlds".The Chicago Reader.Geargiveer vanaf die oorspronklike op 23 November 2023. Besoek op23 November 2023.
↑Melman, Yossi; Hartov, Steven (17 Januarie 2006)."Munich: Fact and Fantasy".The Guardian.Geargiveer vanaf die oorspronklike op 28 Julie 2020. Besoek op16 Februarie 2022.
↑"The Adventures of Tintin".Rotten Tomatoes. Fandango Media. 21 Desember 2011.Geargiveer vanaf die oorspronklike op 5 Junie 2020. Besoek op12 April 2012.
↑Cohn, Gabe (8 Februarie 2022)."2022 Oscars Nominees List".The New York Times.Geargiveer vanaf die oorspronklike op 8 Februarie 2022. Besoek op8 Februarie 2022.
↑Kowalski, Dean A., red. (2008).Steven Spielberg and Philosophy: We're Gonna Need a Bigger Book. Lexington, Kentucky: University Press of Kentucky. p.48.ISBN978-0-8131-7324-5.OCLC299792520.
↑"Kennedy Center Honors".CBS News (in American English). 4 Desember 2006.Geargiveer vanaf die oorspronklike op 25 Desember 2022. Besoek op25 Desember 2022.
↑Tibbetts, John C. (2015).Those Who Made It: Speaking with the Legends of Hollywood. Houndmills, Basingstoke, Hampshire: Palgrave Macmillan. p.82.ISBN978-1-137-54190-1.OCLC908990396.
↑Ridley, Scott; Knapp, Laurence F.; Kulas, Andrea F. (2005).Ridley Scott: interviews. University Press of Mississippi. p.184.ISBN978-1-57806-726-8.Geargiveer vanaf die oorspronklike op 1 Januarie 2021. Besoek op8 Oktober 2020.
.jpg)
_(cropped).jpg)
.jpg)
