| Pierre-Simon Laplace |
 |
| Gebore | 23 Maart1749
Beaumont-en-Auge,Frankryk |
|---|
| Oorlede | 5 Maart 1827 (op 77)
Parys, Frankryk |
|---|
| Nasionaliteit |  Frankryk |
|---|
| Vakgebied | Sterrekunde en wiskunde |
|---|
| Instelling(s) | École Militaire (1769–1776) |
|---|
| Alma mater | Universiteit van Caen |
|---|
| Ander akademiese adviseur(s) | Jean d'Alembert, Christophe Gadbled, Pierre Le Canu |
|---|
| Doktorale student(e) | Siméon Denis Poisson |
|---|
| Handtekening |  |
|---|
Pierre-Simon Laplace (Beaumont-en-Auge,23 Maart1749 –Parys,5 Maart1827) was ’n Fransewiskundige,fisikus ensterrekundige wie se werk van groot belang was vir die ontwikkeling vanwiskundige sterrekunde enstatistiek.
Laplace het die werk van sy voorgangers saamgevat en daarop uitgebrei in sy vyfdeligeMécanique Céleste ("Hemelmeganika") (1799–1825). Dié baanbrekerswerk het die studie van die klassieke meganika, wat meer opmeetkunde gebaseer was, vervang met ’n meeranalitiese wiskundebasis waardeur ’n groter omvang van probleme bestudeer kon word.
In wiskunde het hy dievergelyking van Laplace geformuleer. Hy was ook die uitvinder van dieLaplace-transform, wat ’n mens op baie gebiede van die wiskundige natuurkunde teëkom. Laplace kan as een van die grondleggers van die wiskundige natuurkunde beskou word.
Hy het ook diesonnewelteorie oor die oorsprong van dieSon herformuleer en ontwikkel en was een van die eerste wetenskaplikes wat die bestaan vanswartkolke en die begripswaartekraginstorting veronderstel het.
InFrankryk, waar hy soms die "Newton van Frankryk" genoem is, is hy beskou as een van die grootste wetenskaplikes van alle tye.[1]
In 1806 hetNapoleon hom ’ngraaf van dieEerste Franse Keiserryk gemaak. Ná dieBourbon-restourasie is hy in 1817 bevorder totmarkgraaf.
