.png)
Diemahajanapadas (Sanskrit vir "groot ryk") was 16koninkryke ofoligargieserepublieke wat van die 6de tot 4de eeu v.C. in die noordelike antiekeIndië bestaan het.[1]
Die 6de tot 5de eeu v.C. word dikwels beskou as ’n groot keerpunt in die vroeë geskiedenis van Indië; in dié tydperk het die eerste groot stede hier verrys ná die val van dieIndusvalleibeskawing. Dit was ook die tyd van die opkoms van bewegings soosBoeddhisme enDjainisme wat die ortodokse geloof van dieVediese tydperk betwis het.
Twee van die mahajanapadas was moontlik oligargiese republieke, terwyl die ander ’n soort monargie was. Antieke Boeddhistiese tekste verwys dikwels na 16 groot koninkryke en republieke wat in ’n strook vanGandhara in die noordweste totAnga in die oostelike deel van dieIndiese subkontinent ontwikkel en floreer het. Almal het voor die opkoms van Boeddhisme in Indië al bestaan.[2]
Die woordmaha beteken "groot" enjanapada letterlik "vastrapplek van ’n volk". Die vestiging van volke in die gebied het reeds sy finale stadium bereik teen die tyd vanBoeddha. Die noordweste van die Indiese subkontinent was verdeel in verskeiejanapadas, wat deur grense geskei is. Die Boeddhistiese teksAnguttara Nikaya gee op verskeie plekke[3] die name van 16 groot nasies:
Nog ’n teks, dieDigha Nikaya, noem 12 mahajanapadas uit die boonste lys en laat 4 weg: Assaka, Avanti, Gandhara en Kamboja.[4] Ander tekste, soos dieChulla-Niddesa, gee ook lyste wat effens van bogenoemde verskil.[5][6]
DieBhagavati Sutra van Djainisme noem 16 ander mahajanapadas:
Dié lys word as ’n latere en dus minder betroubare weergawe beskou.[7]
Hierdie artikel is in sy geheel of gedeeltelik uit dieEngelse Wikipedia vertaal.