| Karibadam | |
|---|---|
 Die dam, soos vanaf Zimbabwe gesien. | |
| Amptelike naam | Karibadam |
| Ligging | |
| Provinsie/Land | Zambië,Zimbabwe |
| Koördinate | 16°31′18″S28°45′41″O / 16.52167°S 28.76139°O /-16.52167; 28.76139 |
| Dam in | Zambezirivier |
| Konstruksie begin | 1955 |
| Openingsdatum | 1959 |
| Konstruksiekoste | VS$480 miljoen |
| Eienaar | Zambezi River Authority |
| Soort dam | Boog-gravitasiedam |
| Hoogte van wal | 128 m (420 voet) |
| Lengte van wal | 579 m (1 900 voet) |
| Bakmaat | 180 km3 |
| Reservoir | Karibameer |
| Opvanggebied | 663 000 km2 |
| Damoppervlak | 5 400 km2 |
| Geïnstalleerde kapasiteit | 1 319 MW |
| Jaarlikse opwekking | 6 400 GWh |
DieKaribadam is 'n dam in dieZambezirivier op die grens vanZambië enZimbabwe. Die dam is gedurende1959 voltooi nadat daar met die projek in1955 begin is. Tydens voltooiing was die dam die grootste mensgemaakte meer ter wêreld.
Die meer se oppervlakte beslaan 5 200 km2 en is 280 km lank tot by Devil's Gorge en het 'n maksimum breedte van 48 km. Die meer het 'n opgaarvermoë van 180,6 km3.
Die wal se kruin is 579 m lank, 128 m hoog en die basis is 245 m dik. Daar is ses sluise in die wal en tweehidroëlektriese skemas wat gesamentlik 1 600MW lewer.
Daar is 50 000 van die plaaslike bevolking hervestig tydens die projek omrede hulle wonings onder water was en 7 000 diere is hervestig tydensOperasie Noag.Tiervis is 'n gewilde sportvis en 'n belangrike kommersiëleeetvis in die Karibadam.
Diewatervaring (Salvinia molesta) is 'n indringerplant wat 'n plaag was op die meer en het gedurende sy hoogtepunt in1962 22% van die oppervlakte van die meer bedek. Dit was veral 'n groot bedreiging vir die visbedryf. Die plaag is gedurende 1980 finaal uitgewis deur 'n kombinasie van natuurlike winde en golfbeweging en die bekendstelling van 'n onkruidvretendesprinkaan. Die waterhiasint (Pontederia crassipes) het egter sedertdien ook 'n plaag geword.
Gedurende Maart 2010 is krake in die damwal opgemerk toe meer sluise as gewoonlik oopgemaak moes word. Na verdere ondersoek is daar vasgestel dat die dompelpoel onder die damwal tot 90 meter diep weggekalwe is en dat voortgesette erosie die poelwand terugsny na die damwal. Hierdie proses erodeer dus die fondament van die damwal. Die dompelpoel is die diep poel onder die damwal waarin die water beland as die sluise oopgemaak word. Om die proses te stop moet die dompelpoel opgevul en die fondasie herstel en versterk word. Die herstelwerk sal tot ses jaar duur en sal ongeveer R 2,7 miljard kos. Indien niks gedoen word nie kan die damwal binne drie jaar meegee. Restourasiewerk sou gedurende September 2014 begin.[1]
 | Wikimedia Commons bevat media in verband metKariba Dam. |
