Gabriel Urbain Fauré (Frans: [ɡabʁiɛl yʁbɛ̃ fɔʁe];12 Mei1845 –4 November1924) was 'n romantiekkomponis, orrelis, pianis, en onderwyser. Hy was een van die belangriksteFranse komponiste van sy generasie, saam met sy jonger tydgenoteClaude Debussy enMaurice Ravel. Fauré is bekend vir sy klaviermusiek, kamermusiek en liedjies. Hy het ook Franse godsdiensmusiek vernuwe – dieRequiem is een van sy bekendste werke. Operas is ook deel van syoeuvre, maar hulle het nie 'n repertorium gehou nie.
Fauré studeer aan die kerkmusiekskool van Louis Niedermeyer inParys, waar onder andereCamille Saint-Saëns een van sy onderwysers was, waarna hy 'n orrelis geword het, eers inRennes en later in verskeie Paryse kerke. In 1897 word hy 'n dosent in komposisie aan die "Conservatoire National Supérieur de Musique" in Parys, en in 1905 direkteur van hierdie instituut.Maurice Ravel enGheorghe Enescu was onder sy studente.
Vir baie jare was hy verbonde aan die Paryse Madeleinekerk, eers as koorleier, en later vanaf 1896, as orrelis. Hy het onder meer sy Requiem daar geskryf; dit is vandag steeds een van sy mees opgevoerde werke. Die komposisie is gebou rondom die bekendePie Jesu. Hy was kieskeurig in die keuse van tekste vir sy requiem. Hy het harde woorde soos 'Dies Irae', die Oordeelsdag, uitgelaat. Sy sienings oor die dood was nie gitswart nie. "Dit is 'n vreugdevolle bevryding, 'n verlange na geluk anderkant die graf, eerder as 'n pynlike ervaring." Daardie hoopvolle, harmoniese toon is duidelik merkbaar in sy Requiem.
Johnson, Graham; Richard Stokes (2009).Gabriel Fauré: The Songs and Their Poets. Farnham, Kent, England, and Burlington, Vt: Ashgate.ISBN0-7546-5960-7.
Jones, J Barrie (1989).Gabriel Fauré: A Life in Letters. London: B T Batsford.ISBN0-7134-5468-7.
