Engeland

Kenteken van die Engelse nasionale vrouekrieketspan
Konferensie	Engelse en Walliese Krieketraad (ECB)
Personeel
Toetskaptein	Heather Knight
EDI-kaptein	Natalie Sciver-Brunt
T20I-kaptein	Tammy Beaumont
Afrigter	Charlotte Edwards
Geskiedenis
Toetsstatus verkry	1934
Internasionale Krieketraad (IKR)
IKR-status	Volle lid (1909)
IKR-streek	EKR (Europa)
IKR-ranglys Tans[1] Beste rang tot dusver EDI 2de 2de (1 Oktober 2015) T20I 2de 2de (1 Oktober 2015)
Toetswedstryde (Toetse)
Eerste toets	tAustralië opBrisbane Showgrounds,Brisbane; 28–31 Desember 1934
Laaste toets	tAustralië opMelbourne-krieketveld,Melbourne; 30 Januarie – 1 Februarie 2025
Toetse Gespeel Gewen/Verloor Algeheel[2] 102 21/17 (20,59%) (0 gelykop, 64 onbeslis) Vanjaar[3] 1 0/1 (0 gelykop, 0 onbeslis)
Vroue- kampioenskappe	3/3 (eerste in 2014–16)
Beste uitslag	Naaswenner (in 2014–16, 2017–20)
Internasionale eendagwedstryde (EDIs)
Eerste EDI	t Internasionale XI opCounty-krieketveld,Hove; 23 Junie 1973
Laaste EDI	tSuid-Afrika opAssam-krieketverenigingstadion,Guwahati; 29 Oktober 2025
EDIs Gespeel Gewen/Verloor Algeheel[4] 418 247/155 (59,09%) (2 gelykop, 14 onbeslis) Vanjaar[5] 17 9/7 (0 gelykop, 1 onbeslis)
Vrouekrieketwêreldbeker-verskynings	13/13 (eerste in1973)
Beste uitslag	Kampioen (in1973,1993,2009,2017)
Twintig20-internasionale wedstryde (T20Is)
Eerste T20I	tNieu-Seeland opCounty-krieketveld,Hove; 5 Augustus 2004
Laaste T20I	tIndië opEdgbaston,Birmingham; 12 Julie 2025
T20Is Gespeel Gewen/Verloor Algeheel[6] 220 157/58 (71,36%) (3 gelykop, 2 onbeslis) Vanjaar[7] 11 5/6 (0 gelykop, 0 onbeslis)
T20I-vrouewêreldbeker-verskynings	9/9 (eerste in2009)
Beste uitslag	Kampioen (in2009)
Toetsklere EDI-klere T20I-klere

DieEngelse nasionale vrouekrieketspan (Engels:England women’s cricket team, afgekortEngland Women ofEngland W) is die nasionale vrouekrieketspan watEngeland enWallis intoets- en kitskrieket verteenwoordig. Sedert 1 Januarie 1997 word dit beheer deur dieEngelse en Walliese Krieketraad (ECB, van Engels:England and Wales Cricket Board) en is ’n volle lid van dieInternasionale Krieketraad (IKR) met toets-,EDI- enT20I-status.

Engeland is die gesamentlike oudste span in vrouetoetskrieket wat hul eerste toets reeds in 1934 teenAustralië gespeel het. Engeland is ná Australië die tweede suksesvolste span in internasionale vroue-eendagwedstryde en hulle het viervrouekrieketwêreldbekertitels gewen (in1973,1993,2009,2017). Hulle was ook suksesvol inT20I-vrouewêreldbekertoernooie en het een titel ingepalm (in2009).

Engeland is tans (Oktober 2025) tweede op die IKR-vroue-eendagranglys en tweede op die Twintig20-vrouewêreldranglys.^[8][9] Ses voormalige Engelse spelers is in dieInternasionale Krieketraad se Heldesaal opgeneem.

Die hoofartikel vir hierdie afdeling is:Engelse en Walliese Krieketraad.

Die Engelse en Walliese Krieketraad (EKR; Engels:England and Wales Cricket Board,ECB) is die beheerliggaam van krieket in Engeland en Wallis en toesighouer van die Engelse nasionale krieketspanne. Die EKR bestaan sedert 1 Januarie 1997 en verteenwoordig Engeland en Wallis by die Internasionale Krieketraad (IKR).^[10] Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en die reël van internasionale wedstryde tuis. Daarbenewens is die ECB verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Engelse span. Die ECB se inkomste in die kalenderjaar van 2006 het £77 miljoen beloop.^[11]

Kinders en jongmense word reeds op skool aan krieket bekend gestel en na gelang van hul belangstelling en talent begin hulle met hul afrigting. Net soos ander krieketlande beskik Engeland oor ’n o/19-nasionale span wat aan dieo/19-vrouekrieketwêreldbeker deelneem.^[12]

Krieketwedstryde tussen vroue is in Engeland sedert die middel-18de eeu gedokumenteer, onder andere in 1745 tussenBramley Maids enHambledon Maids inGuildford.^[13] Die eerste wedstryd tussengraafskappe is in Oktober 1811 tussenSurrey enHampshire beslis.^[14] Die eerste krieketklub vir vroue,White Heather Club, is in 1887 inYorkshire gestig. In 1926 is dieVrouekrieketvereniging gestig, wat daarna die vrouekrieket in Engeland gereël het.^[15]

In 1934 is die Engelse beheerliggaam vir ’n toer na Australië genooi, wat drie jaar vroeër hul eie krieketbeheerliggaam gestig het. Die deelnemende vroue moes die reiskoste van 80GBP vir die sesmaandse toer self betaal. Getroude vroue is ook nie toegelaat om aan die toer deel te neem nie, aangesien dit glo vir hulle nie gepas was om vir so ’n lang tyd nie by die huis te wees nie. Die span het in Oktober 1934 die skeepsreis aangepak en van 28 Desember 1934 af sy eerste vrouetoetswedstryd teenAustralië gespeel, wat hulle met nege paaltjies gewen het. Die uitstaande speler wasMyrtle Maclagan wie in die tweede toetswedstryd met 119 lopies ook die eerste honderdtal vir Engeland aangeteken het. Hulle het die reeks van drie wedstryde met 2–0 beklink en hulle het ook die vrouetoetswedstryd inNieu-Seeland gewen.^[16][17]

Gedurende somer het Australië Engeland besoek enMolly Hide het diekaptein tot in 1954 geword.^[18][19] Tydens dié toer het Engeland die eerste vrouetoetswedstryd verloor en die reeks het met 1–1 onbeslis geëindig.^[20] Die sukses van hierdie toere het daartoe gelei dat gedurende winter 1939/40 ’n toer na Australië sou plaasvind en die span het reeds sy spelers benoem, maar dit moes weens dieTweede Wêreldoorlog afgelas word.^[16]

Die eerste toer ná die oorlog was gedurende winter 1948/49 weer in Australië en Nieu-Seeland en het vier spelers ingesluit wat ook voor die oorlog vrouetoetswedstryde gespeel het. Die toer, wat op ’n oorlaaide seevaartuig begin het, het hulle inColombo ’n wedstryd teenAll Ceylon XI gespeel en die toer het naas die vier vrouetoetswedstryde ook 30 toerwedstryde ingesluit. Langs hierdie wedstryde het die spelers ook sosiale verpligtinge gehad, wat egter ná ’n maand ingeperk is aangesien dit vir die span ’n las geword het. In Australië is die span in die eerste vrouetoetswedstryd geklop, waarmee hulle ook die reeks en die As verloor het, terwyl hulle die vrouetoetswedstryd in Nieu-Seeland gewen het. Ná sewe maande het hulle in Mei weer in Engeland aangekom.^[21][22][23]

Nadat die As-reeks in 1951 met 1–1 onbeslis geëindig het, het gedurende somer 1954 Nieu-Seeland vir die eerste keer Engeland besoek, maar in die reeks teen die gasvroue met 0–1 vasgeval. Eers in 1957/58 kon weer ’n toer in dieSuidelike Halfrond gereël word, maar elkeen van die ses vrouetoetswedstryde het onbeslis geëindig. Tydens die 1960/61-seisoen het die Engelse vir die eerste keer ’n toer na Suid-Afrika onderneem en hulle kon die reeks met 1–0 beklink. In 1963 het die span die laaste wedstryd van die drie wedstryde in die reeks teen die Australiërs gewen, veral danksy die kapteinMary Duggan se honderdtal van 101 onoorwonne lopies in die eerste beurt en haar altesaam sewe paaltjies (4/42 en 3/40).^[24] Daarmee het Engeland vir die eerste keer ná die oorlog die As-urn herwin. Ná die onbesliste 1968/69-reeks in Australië het hulle die trofee behou.

Met dieVrouekrieketwêreldbeker 1973 is dieinternasionale eendagwedstryde se tydperk ingelui. Onder haar kapteinRachael Heyhoe Flint het hulle die eindstryd teen Australië gewen en die eerstevrouekrieketwêreldbekertoernooi beklink.^[25][26] Daarna het hulle ook die As-reeks in beklink, voordat ’n maer periode teen die Australiërs begin het. Onder andere het hulle tydens die drie daaropvolgende vrouekrieketwêreldbekereindstryde (in1978,1982,1988) in die eindstryd teen Australië vasgeval en ook die As-urn kon hulle in ses reekse nie herwin nie, voor die 2002/03-reeks het die span slegs in 1998 ’n onbesliste reeks aangeteken. Daarteenoor het Engeland teen ander opponente meer sukses behaal. Onder andere het hulle in die EDI-reeks teenWes-Indië in 1979 onbeslis gespeel en die reekse teen Nieu-Seeland in 1984 enIndië in 1986 het hulle maklik gewen.

Tydens dieVrouekrieketwêreldbeker 1993 op eie bodem het Engeland onderKaren Smithies die eindstryd teen Nieu-Seeland gewen, waardeur vrouekrieket in Engeland baie gewildheid verwerf het.^[27] Daarna is die Engelse span in die EDI-reekse teen Indië en Nieu-Seeland verslaan en tydens die vrouekrieketwêreldbekertoernooie in1997 en2000 kon hulle nie die eindstryd haal nie. In 1998 is die vrouekrieket se bestuur verander en dieEngelse en Walliese Krieketraad (England and Wales Cricket Board,ECB) het by die Vrouekrieketvereniging oorgeneem, waarmee die professionalisering gepaard gegaan het.^[28] Daarmee het die span ook nuwe momentum verkry en hulle het gedurende somer 2002 onder kapteinClare Connor teen Indië geseëvier en daarna ook reekse teenSuid-Afrika (in 2003, 2003/04 en 2004/05) asook Nieu-Seeland (in 2004) beklink. Tydens dieVrouekrieketwêreldbeker 2005 het hulle in die halfeindstryd egter weer teen Australië vasgeval. Daarteenoor het die Engelse gedurende somer 2005 weer die As-reeks beklink.^[29]

Daarna hetCharlotte Edwards as kaptein oorgeneem. Onder haar het Engeland dieVrouekrieketwêreldbeker 2009 inAustralië beklink^[30] en ook die heel eersteT20I-vrouewêreldbeker 2009 op eie bodem gewen. Voorheen kon hulle ook die As-urn twee keer verdedig (in 2007/08 en 2009). Hulle moes die trofee egter in 2010/11 weer oorhandig en tydens beide dieT20I-vrouewêreldbekertoernooie in2012 en2014 het Engeland in die eindstryd teen Australië vasgeval. Tydens dieVrouekrieketwêreldbeker 2013 het hulle die derde plek behaal en daarna kon hulle die As-reekse in 2013 en 2013/14 beklink. Van 2014 af het die eerste spelers sentrale kontrakte met die Engelse beheerliggaam onderteken.^[31]

In 2016 hetHeather Knight die nuwe kaptein geword. Onder haar het die Engelse in dieVrouekrieketwêreldbeker 2017 teen Indië geseëvier.^[32] Tydens dieT20I-vrouewêreldbeker 2018 is hulle in die eindstryd deur Australië verslaan en ook tydens die As-reekse sedert 2015 is die Engelse telkens deur die Australiërs geklop (in 2017/18, 2019 en 2021/22). Daarna het die Engelse die eindstryd van dieVrouekrieketwêreldbeker 2022 teen dieselfde opponent verloor.^[33] Tydens dieT20I-vrouewêreldbeker 2023 is hulle in die halfeindstryd deur die Suid-Afrikaanse gasvroue uitgeskakel.^[34] Tydens dieVrouekrieketwêreldbeker 2025 het die Engelse in die halfeinstryd teen die Proteas vasgeval.^[35]

Ses voormalige Engelse spelers is vir hul uitstekende prestasies in dieInternasionale Krieketraad se Heldesaal opgeneem:^[36]

Daar het altesaam 170 spelerstoets-, 153 spelersEDI- en 68 spelersT20I-wedstryde vir Engeland gespeel. Vervolgens die spelers wat vir die Engelse span die meeste lopies aangeteken en die meeste paaltjies geneem het.

Tot op hede was 15 spelers reeds diekaptein vir Engeland tydens ’n toetswedstryd, 19 tydens ’n EDI en tien tydens ’n T20I.^[43]

Teenstander	Gespeel	Gewen	Verloor	Gelykop	Onbeslis	% Gewen	Eerste oorwinning
Australië	53	9	14	0	30	16,98	31 Desember 1934
Indië	15	1	3	0	11	6,67	30 Junie 1986
Nieu-Seeland	23	6	0	0	17	26,09	18 Februarie 1935
Suid-Afrika	8	3	0	0	5	37,50	3 Januarie 1961
Wes-Indië	3	2	0	0	1	66,67	18 Junie 1979
Algeheel	102	21	17	0	64	20,59	31 Desember 1934
Rekords volledig tot en met toets #151 op 30 Januarie – 1 Februarie 2025. Laaste keer hersien op 31 Oktober 2025.[47]

Teenstander	Wedstryde	Gewen	Verloor	Gelykop	Onbeslis	% Gewen	Eerste oorwinning
t. Volle lede
Australië	90	24	62	1	3	26,67	28 Julie 1973
Bangladesj	2	2	0	0	0	100,00	27 Maart 2022
Ierland	20	18	2	0	0	90,00	5 Desember 1988
Indië	80	42	36	0	2	52,50	1 Januarie 1978
Nieu-Seeland	86	47	37	1	1	54,65	8 Januarie 1978
Pakistan	16	13	0	0	3	81,25	12 Desember 1997
Sri Lanka	21	18	1	0	2	85,71	21 Desember 1997
Suid-Afrika	48	36	11	0	1	75,00	15 Augustus 1997
Wes-Indië	29	21	6	0	2	72,41	6 Junie 1979
t. Assosiaatlede
Denemarke	8	8	0	0	0	100,00	20 Julie 1983
Internasionale XI	4	4	0	0	0	100,00	23 Junie 1973
Jamaika	1	1	0	0	0	100,00	7 Julie 1973
Jong Engeland	1	1	0	0	0	100,00	18 Junie 1973
Nederland	10	10	0	0	0	100,00	6 Desember 1988
Skotland	1	1	0	0	0	100,00	10 Augustus 2001
Trinidad en Tobago	1	1	0	0	0	100,00	20 Julie 1973
Algeheel	418	247	155	2	14	59,09	18 Junie 1973
Rekords volledig tot en met EDI #1519 op 30 Oktober 2025. Laaste keer hersien op 31 Oktober 2025. Wenpersentasies sluit onbesliste wedstryde uit en tel gelykop as ’n halwe oorwinning.[48]

Teenstander	Wedstryde	Gewen	Verloor	Gelykop	Onbeslis	% Gewen	Eerste oorwinning
t. Volle lede
Australië	45	20	22	2	1	44,44	19 Junie 2009
Bangladesj	4	4	0	0	0	100,00	28 Maart 2014
Ierland	4	3	1	0	0	75,00	23 Junie 2012
Indië	35	24	11	0	0	68,57	11 Junie 2009
Nieu-Seeland	40	32	8	0	0	80,00	21 Junie 2009
Pakistan	18	17	1	0	0	94,44	16 Junie 2009
Sri Lanka	12	10	2	0	0	83,33	14 Junie 2009
Suid-Afrika	28	23	4	0	1	82,14	10 Augustus 2007
Wes-Indië	32	22	9	1	0	68,75	12 November 2009
t. Assosiaatlede
Skotland	1	1	0	0	0	100,00	13 Oktober 2024
Thailand	1	1	0	0	0	100,00	26 Februarie 2020
Algeheel	220	157	58	3	2	78,50	10 Augustus 2007
Rekords volledig tot en met T20I #2545 op 26 Oktober 2025. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit onbesliste wedstryde uit en gelykop as ’n halwe oorwinning (ongeag die valbyl).[49]

Krieketportaal

• Engelse nasionale krieketspan
• Engelse nasionale vrouerugbyspan

Wikimedia Commons bevat media in verband metEngelse nasionale vrouekrieketspan.

• (en)Amptelike webwerf van die Engelse en Walliese Krieketraad
• (en)England-vroue op ESPNcricinfo
• (en)Engeland by die IKR

• Krieket in Engeland
• Nasionale vrouekrieketspanne