Vergelyking met ander Wikipedia-weergawesOorsprong van die artikelsLande waar die Engelse Wikipedia die belangrikste weergawe is.[1]Top 25 lande volgens oorsprong van die gebruikers.[2]
DieEngelse weergawe vanWikipedia was die eerste uitgawe van hierdieaanlynensiklopedie en is op15 Januarie2001 begin.[3] Na omtrent vyf jaar is die miljoenste artikel in Maart 2006 geskep. Hiermee laat hulle die ander Wikipedias, soos dieDuitse,Franse en dieNederlandse Wikipedias, ver agter.[4] Slegs een-en-'n-halfjaar later, op 9 September 2007 bereik die Engelstalige Wikipedia reeds hulle tweemiljoenste artikel, op 17 Augustus 2009 hulle driemiljoenste artikel, op 13 Julie 2012 hulle viermiljoenste artikel, op 1 November 2015 hulle vyfmiljoenste artikel en op 23 Januarie 2020 hulle sesmiljoenste artikel.
DieSimple English Wikipedia (simplewiki) is 'n variasie waarin die meeste artikels slegs van basiese Engelse woordeskat gebruik maak. Daar is ook die Ou-Engelse (Ænglisc/Angelsaksiese) Wikipedia (angwiki), sowel as 'n toets of "broeikas"-weergawe vir die Middel-Engelse Wikipedia (emmwiki).
Een van die twispunte op die Engelse Wikipedia is oor watter variëteit vanEngels voorkeur moet geniet. Die mees voor-die-handliggende kandidate isAmerikaanse Engels,Britse Engels enInternasionale Engels. Daar word besluit dat die dialek wat by die artikel sal pas voorkeur moet geniet. So sal Kanadese artikels inKanadese Engels geskryf word, en sal Internasionale Engels meer geskik wees vir algemene artikels. Ongeag van die tipe Engels, moet die hele artikel konsekwent in dieselfde styl geskryf word.[5]
In 2005 het die wetenskaplike tydskrifNature 'n vergelykende studie gedoen om die kwaliteit van die Engelstalige Wikipedia teenoor dieEncyclopædia Britannica te bepaal. Uit die ondersoek het dit geblyk dat wetenskaplike artikels in Wikipedia en Britannica gemiddeld vier groot foute bevat, 162 klein foutjies is in Wikipedia gevind, maar slegs 123 is in die Britannica gevind.[6]
