Mokgadi Caster Semenya[1]OIB (* Ga-Masehlong, nabyPolokwane,7 Januarie1991) is 'nSuid-Afrikaanse middelafstandatleet wat in die 800 m-item spesialiseer. Sy het in hierdie baanitem Suid-Afrikaanse en wêreldkampioen geword.
Op 6 Julie 2010 het die Internasionale Vereniging van Atletiekfederasies (IAAF) toestemming verleen dat sy weer teen vroueatlete mag deelneem, na uitgerekte spekulasie oor haar geslag.[2] Sy wen haar eerste wedloop na haar hertoetrede toe sy op 15 Julie 2010 gemaklik met 'n tyd van 2:04.22 by die Lappeenranta-spele inFinland wen.[3]
Tydens dieOlimpiese Somerspele van 2012 wen sy 'n silwermedalje in die 800 m-wedloop, wat later deur dieIOK opgegradeer is na goud. Semenya het by die openingseremonie dieSuid-Afrikaanse vlag gedra.[4]
Op 20 Augustus 2016 wen sy 'n goue medalje in die 800 m-wedloop by dieOlimpiese Spele van 2016 inRio de Janeiro, in 'n tyd van 1:55.28.[5]
| Datum | Kompetisie | Plek | Uitslag | Item |
|---|---|---|---|---|
| 2009 | Wêreldatletiekkampioenskap | Berlyn | 1ste | 800 m |
| 2011 | Wêreldatletiekkampioenskap | Daegu | 2de | 800 m |
| 2012 | Olimpiese Somerspele 2012 | Londen | Goud | 800 m |
| 2015 | Afrika-atletiekkampioenskap | Brazzaville | 1ste | 800 m |
| 2016 | Olimpiese Somerspele 2016 | Rio de Janeiro | Goud | 800 m |
| Item | Prestasie | Datum | Plek |
|---|---|---|---|
| 400 m | 52,54 s | 26 Maart 2011 | Germiston |
| 600 m | 1.25,56 | 13 Junie 2012 | Turku |
| 800 m | 1.55,28 (nasionale rekord) | 20 Augustus 2016 | Rio de Janeiro |
| 1500 m | 4.08,01 | 2 Augustus 2009 | Bambous |
Semenya het tydensVryheidsdag op 27 April 2014 dieOrde van Ikhamanga in brons van die president ontvang.[6]
Wikimedia Commons het meer media in die kategorieCaster Semenya.| Voorafgegaan deur Natalie du Toit | Vlagdraer vir Suid-AfrikaLonden 2012 | Opgevolg deur Wayde van Niekerk |
Normdata |
|
|---|
