Movatterモバイル変換

[0]ホーム
URL:

ARGIA.eus

GizarteaIngurumenaPolitikaEkonomiaKulturaEuskaraFeminismoaHezkuntzaNazioarteaIritzia
osteguna 2025eko uztailaren 10ean

"Hertzainak", Konplexu Gabeko Istorioak Kontatu Nahian

1987ko uztailaren 26an
Kazetaritza independenteak herritarren babesa du arnas
Josu Zabala, "Hertzainak"eko partaideari eta Ruper Ordorika, "Hertzainak"eko ekoizleari elkarrizketa
Bingen Mendizabal Eta Ruper Ordorika, Partaide Eta Ekoizle Berriekin, Hirugarren Diska Grabatzen Ari Dira «Elkar»Erako
"Hertzainak", Konplexu Gabeko Istorioak Kontatu Nahian
"Hertzainak" taldeak "Elkar"ekin fitxatu eta hirugarren diskoren bila doazela enteratu garen bezain pronto, diskaetxeak Lasarten dituen estudioetara abiatu gara, eguerdi sargortitsu batek utzi zigun parada baliatuz.
Taldeko liderra den Josu Zabala, eta Ruper Ordorika ekoizle berriarekin hitzegin dugu iraganaz, orainaz eta udazkenaldea argitaratuko duten plastikoaz. AspalditxotIk etengabe entsaiatzen ari direla jakin dugu, eta prexipitazioan erortzeko arriskurik ez dutela nahi ere. Azkenean elkar hizketa moztu beharra izan dugu; rockaren erro eta mila gauza enroilante gehiago ezingo ditugu kondatu oraingoan baina horren truke hor doa primizia hau.
ARGIA.–Nolakoa izango da datorren diska? Hitzegin ezazue projektu berri honetaz.
JOSU.–Oraindik goiz samar da diskaz hitz egiteko. Pentsatzen dut prestatzen ari garen diska hau definitiboa izan behar duela gure karreran, ze orain arte oso lan irregularrak egin ditugu. Ustez, orain arte egin ditugun lan guztiak gaindituko ditugu, teknika aldetik, eta diska dexentea ateratzea espero dugu.
A.–Zailtasunik aurkitzen ari zarete projektu hau gauzatzeko ala dena ongi doa?
J.–Ez da erraza ale zailagoa. Asuntoa da zure diskarekiko lotura noraino eramaten duzun. Diska honetan malla hobeagotara igo nahi dugu.
A.–Orain Ruperrekin sartuko gara: nolatan sartu zaigu Ruper «Hertzainak» taldearen ekoizle?
RUPER.–Nik dakidala egin dira horrelako lanak hemen, baina kasu bakanetan, zeren produzitzearena hitz haundia da; hemendik kanpo produktorea derrigorrezko pertsonala bat da diska guztietan, eta geroz eta garrantzi gehiago ematen zaio alde horretatik. Hitz bitan esan da, uste dut nik egin dezakedana hori dela: beharbada, esperientzia, gusto piska bat aportatu nire ikuspuntutik, baina ez daukat produktorearen lan zehatzik. Duela urte asko jo nuen Josurekin eta ustez Hertzainak, talde bezala, oso ondo ezagutzen dut. Horregatik harrera ona eman nion ideia honi. Bestetik, ba dugu joera hori, soinu berdintsurako zaletasuna... baldintza guztiak betetzen ditugu.
A.–Soinua hobetzea da helburuetariko bat. Elemendu folklorikoak edo ildo horretatik doazenak sartuko dituzue aurreko diskan bezala?
J.–Bigarren diskan ez genituen sartu elemendu folklorikoak; kantu zahar bat atera genuen, bai, single batetan; horretatik aparte rockanrol hutsa egiten genuen. Honetan ere egongo da elemendu folklorikoren bat baina ez aurreko diskaren antzera eta ildo horretatik ez da joango.
R.–Nik uste talde gutxi egongo direla hauen baldintzekin alde horretatik rokanrolean. Halako kasualitate batez edo, elkartu zaretelako rock-ean adituak eta nonbait tradizioa ere ezagutzen duzuenak. Bide hori izugarri gustatzen zait, eta gainera erakusten da bata ez dagoela bestearen kontra.
J.–Ruperri eskatu genionean diska honetan sartzeko, gure kritikorik serio eta onena izango zelakoaren komenzimendu osoa geneukan. Honelako pertsona baten laguntza ezinbestekoa da. Zeren zu hain sarturik zaude ezen ez zarela konturatzen gauza askotaz, ongiegi dakizulako. Hain zuzen ere akats horietan ez gara erortzen Ruperrek laguntzen gaituela. Kanpotar baten eritzia, konfiantza dagoenean eta oso kritiko denean beti ere oso baliagarria da.
A.–Gaiak badituzue, kantuak landu eta eginak daude?
J.–Baseak eginak daude, azken jantzia falta zaie...
R. - ... Ikuituak, agian denbora batean luzatuko zaigu, estudioko lanak direla eta, baina alde honetatik aurreraturik dago ia dena.
A.–Aldaketarik bada, sasoian zaudete?
J.–Sasoi onean gaude, agian inoiz baino hobeagoan, ze bigarren diska grabatu genuenean sikologikoki oso gaizki genbiltzan, prolema asko izan genituen, Tito-ren istripua eta abar. Taldearen morala ez zegoen bere puntuan orain bezala. Iazko roilo txarrak ahaztuta direla uste dut ia eta taldea inoiz baino hobeto ari gara funtzionatzen, bai banan-bana bai batera. Taldean beste elemendu bat 'kolatu' zaigu: gurekin askotan kolaboratu duen Bingen Mendizabal (bibolina eta tekletan). Guk nahi genituen baldintzak betetzen dira, oso lasaigarria da eta esan dezakegu nahi genuena ari garela egiten.
A.–Orain arteko letretako istorioak bezain esanguratsuak izango al dira honoko honenak?
J.–Ahalegintzen gara gai berriak ikuitzen. Bigarren diskan erreakzio txar bat izan genuen, oso umore txarreko istorioak kondatzen genituen, autentikoak. Umore txarrez genbiltzen, horrelakoak ginen. Lehen diskaren tema batzuk jendeak nola hartu zituen ez zitzaigun batere gustatu eta horren kontrako erreakzioa izan zen. Mementu honetan iruditzen zaigu jendearen eritzietatik pasatu egin behar dugula, eta ez dugula gaizki hartu behar jendeak dioena.
A.–Orduan, zuen gustora eginez gero lasai zinatekete?
J.–Noski. Ez dugu errepikatu behar tematika aldetik, ahal den neurrian. Arriskatu egin behar da, ze Euskal Herrian oso "revival" gutxi egiten da edo rockanrol era gutxi ematen da, baina letra erak are gutxiagoak dira. Kanpo itxiagoa dela dirudi. Konplexu gabeko istorioak kondatzen ditugu, kaleko istorioak. Hik zer uste duk, Ruper?
R.–Zenbait lan egina edukiz gero ofizioa hartzen dela, norberak begiratu egiten diola aurretik eginari, eta gaindituz joaten zarela. Gaien aldetik "Hertzainak" taldea ez da erre eta hor topatuko dituzue kantu politikoak eta beste. Kantaren bat oso politikoa izango da.
J.–Beste batzu berriz intraszendenteak neurri batean. Istorioen «collage» bat izan daiteke, kanta desberdinak.
A.–Esan da gai serioak bota zenituztela eta jendeak txantxetan hartu zituela, eta alderantzizkoa ere gertatu dela, ze konklusio atera daitezke?
J.–Jendea, gu ikustera joatean, ondo pasatzera doa eta kitto. Batzuk, agian, politika egitearekin nahasten dute. Gehiengoa izerdia ateratzera doa, edatera, «gora Euskadi eta apurtu bokadilo», besterik ez. Ulertu behar da espektakuluan gaudela eta jendea dibertitzera doala, askotan jakin gabe zerekin dibertitzen den. Norberak bera lasaitzeko eran interpretatzen du egiten duguna, kontzientzia moldatzen du. «Euskadi Tropikal»aren istorio hura «tripi» txar bat izango zen ia-ia.
A.–Nola ikusten ditu kanpoxeagotik istorio hauek Ruperrek?
R.–Hitz bietan esateko oso konplexua da. Identifikaziok sortzen dira jendeengan, eritzi horiek behar izaten dute denbora mugitzeko jendearen baitan. Donboraren poderioz nik uste gauza horiek argituko direla, zer zen txiste eta zer serioa. Berri-zaletasun eta modak izan du hor bere eraginik. Gertatzen da kantuen ideia mezu laburra eta erraza dela, rockanrolaren ezaugarri bat dela. Hauek ere erabili zuten lehen diskan. Nik ez diot ezer txarrik ikusten. Garrantzitsuena estiloa da, horrekin dena esanda dago, esateko erak ez dira agortzen, denborak esango du "Hertzainak" taldeak estilo berrikuntza bat ekarri zuen ala ez. Txisteak eta horiek beste asunto haundiagoen erakusgarri argiena dira. Talde honekin, eta beste batzurekin ere, garbi dago herrietako kantuen zirkuitoak piztu zirela, dinamika haundi bat sortu zela. Orain ailegatu da ordua talde hauen artean dauden desberdintasunak ikusteko, eta bakoitza nondik joan behar duen jakiteko.
A.–Zer suposatuko du zuentzat datorren diska horrek?
J.–Roilo komerzialetatik at, lan dexente bat egin dugula jakitea lasaigarria izango zaigu. Gure ikuspuntutik, taldeko erizpideak eta batez ere talde lanaren erakusgarria izan behar du, ondo grabaturik eta hobeto entzungo dena.
A.–Honetatik eta honetarako bizi zarete, zer aurpegira jaurti eta zer aportatu nahi diozue gizarteari?
J.–Aportatu? Ezer ez. Hemen inork ez du lan egiten ez merke ez eta doan. Lapurtu, lapurtu! ahal dugun guztia.
J.M. ARANO

Josu Zabala larrean, esku-soinuarekin, eta Gari kantaria, normalean Josuk jotzen duenari ekinez.
"Hertzainak" taldeak hirugarren diska honekin marka jarri nahi du bere ibilbidearen barruan.
46-47


GaiezKulturaArgitalgintArgitalpenaDiskoak
GaiezKulturaMusikaArgitalpenaDiskoak
GaiezKulturaMusikaMusika modeTaldeakHERTZAINAK
PertsonaiazORDORIKA1
PertsonaiazABALA6
EgileezARANO1Kultura
ASTEKARIA
1987ko uztailaren 26a
Irakurrienak
Matomo erabiliz
Azoka
Azkenak
Hiru eguneko greba abiatu dute berriz Gipuzkoako erresidentzietako langileek, manifestazio jendetsu batekin

Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.

2025-07-10|Gedar
Justizia Aranarentzat plataforma aurkeztu dute Bilbon, Poliziaren inpunitatearen eta abusuen aurka

Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.

Norabidea aldatu

Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]

100.000 lirateke Gazan Israelek hildakoak, Britainia Handian plazaraturiko ikerketa baten arabera

Ikerketaren arabera, gutxienez 75.200 lagun hil zituen Tsahal armada sionistak 2023ko urriaren 7az geroztik eta 2025eko urtarrilaren 5a bitartean: tokiko agintariek epe berean zenbatutako 46.000 hildakoak baino %40 gehiago. Horrez gain, une berean, 8.540 lirateke gosez, hotzez... [+]

2025-07-09| Ahotsa.info
Familiek 47 urteko zigorgabetasuna salatu dute Germán Rodriguezen eta Joseba Barandiaranen hilketen ostean

2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]

Koldo Garcíaren ibilbidea PSOEtik harago: jipoiak, PPren indultua eta Guardia Zibilaren babesa

2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera duDirectahedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]

Netanyahuk eta Trumpek berretsi dute aurrera doala Gazako bi milioi palestinarrak kanporatzeko duten plana

Azken 24 orduetan Trumpekin bigarren aldiz bildu da Netanyahu, eta Etxe Zuriko maizterraren bulegoan ordubete inguruko solasaldia izan dute. Ondoren kazetariei eginiko adierazpenetan, Israelgo lehen ministroak adierazi du Gazan duten "kanpaina militarra" ez dela... [+]

Pandemia zaharrenaren jatorriaz

541. urtean izurriak Bizantziar Inperioa astindu zuen. Historian erregistratutako lehen pandemiatzat jotzen da, eta luzaroan historialariek uste izan dute Afrikako ipar-mendebaldean izan zuela jatorria.

Baina berriki The Journal of Interdisciplinary History aldizkarian... [+]

Langileak vs. makinak

Anstey (Ingalaterra), 1779. Leicesterren kanpoaldeko herriko ehungintza fabrika batean, ugazabak Ned Ludd izeneko aprendizari errieta eta jipoia eman zizkion, ehungailua gaizki erabiltzen ari omen zelako. Haserre, Luddek mailu bat hartu eta bi makina hondatu... [+]

2025-07-09| ARGIA
Etxebizitza erosteko Jaurlaritzaren abala azken buruan “diru publikoa banketxeei” ematea dela kritikatu dute LABek eta EH Bilduk

18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]

Rakel Etxebarria. Irrintziaren transmisio ez-etena
“Nik neure irrintzia egiten dut, aita-amei ikasitako zantzoa”

Irrintzi bat entzun da, mendi tontorrean… Eta balizko tontorra Gorbeiako gurutzea bada, baliteke –bazitekeen, garaian– irrintzilaria Rakel Etxebarria izatea. Irrintzia han eta hemen, “zantzoa” da Arratian, hala Orozkon nola Zeanurin. Gurasoei... [+]

Sánchezen plana ustelkeriaren kontra: kontrol gehiago, zigor handiagoak, eta aldaketa “kulturala”

Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]

Eguneraketa berriak daude
[8]ページ先頭
©2009-2025 Movatter.jp