Коннектикут (Англи :Connecticut )[ 5] Америкийн Нэгдсэн Улсын Зүүн Хойд хэсгийнШинэ Английн бүсэд орших АНУ-ын нэгэн муж улс. Өмнө болон баруун талаарааНью-Йорк (далайгаарЛонг-Айленд муж улстай), хойд талаарааМассачусеттс , зүүн талаарааРөүд-Айленд муж улсуудтай хиллэдэг. Коннектикут муж улсын баруун өмнөд хэсэг нь Нью-Йоркын метрополитан бүсийн нэг хэсэг гэж тооцогддог. Коннектикут нь 3.4 сая хүн амтай бөгөөд хүн амаар 29, нутаг дэвсгэрээр 48-д, хүн амын нягтшилаар 4-т ордог. "Үндсэн хуулийн муж улс" гэгддэг Коннектикут нь колоничлолын эхэн үеэс эхтэй урт түүхтэй бөгөөд Америкийн засгийн газрын эхэн үеийн үүсэл хөгжилд нөлөөтэй байв.
Коннектикутын анхны европ суурьшигчид нь голландчууд байсан бөгөөд англичууд 1630-аад онд анхны томоохон суурингуудаа байгуулсан.Томас Хүүкер хэсэг дагалдагчдын хамтМассачусеттсийн булангийн колониос дээш өгсөн явжКоннектикут колонийг байгуулжээ; Массачусеттсээс ирсэн бусад суурьшигчидСэйбрүүк колони ,Нью-Хэйвен колонийг байгуулцгаажээ. Коннектикут болон Нью-Хэйвен колониуд Коннектикутын суурь зарлиг хэмээх баримт бичгийг байгуулсан нь Хойд Америк дахь анхны үндсэн хууль гэж тооцогддог.1662 онд өөр өөр колониуд эзэн хааны хартийн дор нэгдсэнээр Коннектикут титмийн колони болов. Энэ колони ньАмерикийн хувьсгалаар Британийн ноёрхлын эсрэг боссон анхны арвангурван колонийн нэг байсан.
КоннектикутЛонг-Айлендийн хоолойн эрэг дагуу оршдог тул тогтуун уур амьсгалтай. Энэ байршил нь тус муж улсыг далайн хүчтэй уламжлал бүхий муж улс болгосон. Орчин үеийн Коннектикут нь баялгаараа алдартай билээ. XVIII-XIX зуунд Коннектикут аж үйлдвэрийн хүчтэй салбар бий болгоход тусалсан түүхий эдийн нөөцтэй байв. XIX-XX зуунд санхүүгийн байгууллагууд цэцэглэн хөгжжээ. Хартфорд зэрэг анхны даатгалын компаниуд, дараа нь Алтан эргийн дагуу сөрөг даатгалын сангууд үүсэв. Энэхүү хөгжил цэцэглэлт нь Коннектикутын нэг хүнд ноогдох орлогыг хамгийн өндөр болгож, хүний хөгжлийн индекс, өрхийн орлогоор улсдаа тэргүүлэх болов.[ 6] [ 7] [ 8]
