Movatterモバイル変換

[0]ホーム

The debate between Bird and Fish: composite text

¹[ud ul-e-re]-/ta\ namdug₃ tar-ra-a-ba
²[an^den-lil₂] an ki jic-hur-bimu-un-jar-re-ec-a-ba
³[...] en jectug₂ dajal-la-ke₄
⁴[^den-ki lugal nam]-/tar\-ra3-kam-ma-bi na-nam
⁵[X X]-ni [X] mu-un-ur₄-ur₄ dur₂ kiba-an-jar
⁶a /zi\-[cag₄]-jal₂ numun zidu₃-tud cu-ce₃ im-ma-ab-la₂
⁷^id₂/idigna\^id₂buranun-na zag-gaba-an-la₂ a kur-kur-ra mi-ni-in-tum₃-uc
⁸id₂ tur-/tur\-ra cu luh ba-an-aksur₃-sur₃ mi-ni-jar-jar
⁹[X X][^d]/en\-ki-ke₄tur₃ amac cu bi₂-in-dajal sipad udulbi₂-in-tuku
¹⁰/iri\^ki a₂-dam ki-abi₂-in-jar-jar saj gig₂ mi-ni-in-lu
¹¹lugal-e nam-sipad-bi-ce₃ mu-un-tukunam-nun-bi-ce₃ mu-un-il₂
¹²lugal ud-dam kur-kur-ra mu-un-ed₂
¹³[X X][^d]/en\-ki-ke₄ ambar-ambar-ra kabi₂-in-KEC₂ gi uc₂ gi henbur₂bi₂-in-mu₂
¹⁴[X] X pu₂ umah^mah ku₆ mucenmi-ni-lu-ug
¹⁵[X X] /ki\ nij₂-zi-pa-an-pa-ne-ne gu₇naj-bi-ce₃ ba-an-cum₂
¹⁶[X X] he₂-jal₂-ladijir-re-e-ne-ke₄ zag-bi-a ci-in-gub
¹⁷[^dnu]-/dim₂\-mud nunmah en jectug₂ dajal-la-ke₄
¹⁸[...]-bi-tau₃-mu-un-dim₂-dim₂
¹⁹/ku₆ mucen-bi\ jic-gi ambar-ra im-mi-in-si
²⁰ki-gub-bi in-ne-en-pad₃
²¹jic-hur-bi igi-bi im-mi-in-zu
²²ud-bi-aku₆-e /ambar-ra\ nunuz ki ba-ni-in-tag
²³mucen-e ka jic-gi-a-/ka\ gud₃im-ma-ni-ib-us₂
²⁴mucen-e ku₆ engur-ra-ke₄ [...]-bi-tami-ni-ib-hu-luh
²⁵ku₆-e im-ma-gub gu₃im-ma-de₂-e
²⁶ni₂ i₃-buluj₅ ga-ba-almu-ni-in-du₃
²⁷du₁₄-ce₃ silaba-/zig₃\ u₃-na-bi ba-an-gub
²⁸ku₆-e mucen-ra bir-ra-bi inimmu-na-ni-ib₂-be₂
²⁹mucendu₈-du₈ KA [...] su-lum-mar nu-jal₂
³⁰ze₂-za engur-ra za-pa-/aj₂\ [(...)] nundunbur₂-re buluj₅-ja₂
³¹mah-bi gu₇-gu₇ ba-zal cag₄-zahul-bi sur-sur
³²edin gub-ba-za zu₂ mu-e-da-ra-ahmi-ni-ib-sar-sar-re-ne
³³ab-sin₂-na dumu engar-ra-ke₄-negu₂ sa /nam\-mi-ri-ak
³⁴nu-^jickiri₆-ke₄pu₂-^jickiri₆-pu₂-^jickiri₆-a sa na-mu-e-ri-gub
³⁵^kucda-lu-uc₂-ta a₂-ninu-ja₂-ja₂ dug₃ nu-mu-e-ci-ib-gam-e
³⁶mu₂-sar-ra nij₂ mu-ni-ib-hul-hul sunu-mu-un-da-dug₃-ge
³⁷a-cag₄ ki-duru₅jal₂-jal₂-la-ba jiri₃-zunu-zil₂-zil₂-i
³⁸mucen tec₂ nu-zu kisal-e ce₁₀sud-sud
³⁹kisal-luh tur e₂-a sa la₂-e ec₂hub^! mi-ni-in-sar-re
⁴⁰za-pa-aj₂-zu-ta/e₂-e\(1 ms. has instead:e₂-gal) im-suh₃-suh₃ gu₃mu-e^!-ci-ib-cub-be₂
⁴¹e₂guructa^!-ka mu-ni-ib-ku₄-ku₄-ne
⁴²gud udu-gin₇ mi-ni-ib-mu₇-e-ne
⁴³a sed₄^duga-sig-gama-ra-de₂-e-ne
⁴⁴za-e sa₂-dug₄-ce₃mu-e-da-an-gid₂-i-ne
⁴⁵mucen-du₃-e a₂ la₂-tamu-ni-ib-tum₂-tum₂-mu
(1 ms. adds the line:
^45Acu-ha-de₃ e₂-gal-am₃mu-ni-ib-ku₄-ku₄)
⁴⁶pa-zu igi-zui₃-im-KEC₂.KEC₂-re-ne
⁴⁷gu₃ de₂-de₂-zu ki-ce-er nu-tukudal-dal-zu a-na-am₃
⁴⁸gu₃ hul-zu-ta ji₆ hu-luh-en u₃dug₃ nu-mu-un-ku-ku-ne
⁴⁹mucen ambar-ta ed₂-ba-ra za-pa-aj₂-zuugu-ju₁₀-ta
⁵⁰pu₂-saj sahar-dub-ba-ka ed₂-ni-ibur₅-ra-am₃ me-te-zu-um
⁵¹ud-bi-aku₆-e mucen-ra in-ce₃ mu-ni-in-dub₂
⁵²mucen bar gun₃-gun₃ igigun₃-gun₃ sag₉-ga-ni-ce₃mu-un-zu
⁵³in ku₆-e a-na mu-ni-ib-dub₂-bacag₄-ce₃ nu-mu-un-gid₂-de₃
⁵⁴i-gi₄-in-zu umme-da u₅-a-acmu-ni-in-dug₄
⁵⁵inim-ce₃ gu₂-ninu-mu-na-ab-cum₂-mu gu₃ hulmu-un-ta-an-ed₂
⁵⁶ud-bi-a mucen-e ku₆-ramu-na-ni-ib-gi₄-gi₄
(1 ms. has instead the lines:
^Aku₆-ra /im\-[...] DU NE mu-un-na-dub₂-e
^BX X X X [...] ga NE gu₂ mu-na-ni-ib-be₂)
⁵⁷a-gin₇ cag₄-zucag₄ gur₄-ra im-de₆ ni₂-zumu-e-sun₅-sun₅
⁵⁸ka-zu dul-dam ka im-ta-ab-nijin₂ ejer-zu-ce₃igi nu-bar-re
⁵⁹tugul kud a₂-cu-jiri₃ kudjiri₃-zu gu₂ bal-zu-ce₃
⁶⁰ir nu-dug₃-ga a-ha-an ci-du₃-du₃ugu-za zu₂ kaz-kaz
⁶¹gu₂-a-zu si sa₂-bi^gibunij_x(A.BUGIN)nu-ub-dab₅-be₂
⁶²lu₂ lah₄-a-zu cu-ni su-ni-ce₃nu-ub-tag-ge
⁶³engur mah sug dajal-la-ba je₂₆-egal₅-la₂-zu-me-en
⁶⁴u₂ dug₃-ga-binu-mu-e-ci-ib-gu₇-en gu₃-ju₁₀mu-un-te-te
⁶⁵id₂-da nir-jal₂-la-bi nu-mu-un-DU.DUu₁₈-lu-ju₁₀ mu-e-dul-dul
⁶⁶igi-ju₁₀-ta jic-gi-jic-/gi\-[a]mu-un-gir₅-gir₅-re-de₃-en
⁶⁷di₄-di₄-la₂-zu-tasa₂-dug₄-ce₃ ma-a-/an\-jarcag₄-gal-ju₁₀-ce₃mu-e-cum₂
⁶⁸gal-gal-zu ki jicbun-na-ka X/su-bur₂\-ju₁₀ na-nam
⁶⁹pu₂^? ab^? /zu\ X X [...mu]-e-da-BAD-en
⁷⁰je₂₆-e mucensag₉-ga gal-zu-me-en
⁷¹kij₂ sag₉-ga uguntag-ga-ju₁₀-ce₃
⁷²lal₃-har kug-zu kij₂li-bi₂-ib-sig₁₀-ga
⁷³e₂-gal lugal-la-ka DU.DUhe₂-du₇-me-en
⁷⁴kisal-a mu₇-mu₇-ju₁₀me-te-ac im-mi-in-jar
⁷⁵akkil jar-ra-ja₂nij₂-ku₇-ku₇-da-bi^?
⁷⁶su-barcul-gi dumu^den-lil₂-la₂-radug₃-ge-ec im-mi-jal₂
⁷⁷gurun nij₂-duh-hum^jickiri₆-^jickiri₆pu₂-^jickiri₆-a sa₂-dug₄gal-gal-ju₁₀-ce₃
⁷⁸ba-ba zid₂-munu₄ gu₂-nida imgaganij₂ ka dug₃-ge-ja₂
⁷⁹ur₅-ta nam-mah-ju₁₀a-gin₇ nu-e-zu gu₂ ki-ce₃la₂-a-ni
⁸⁰ud-bi-a mucen-eku₆-ra in-ce₃ mu-ni-in-dub₂
⁸¹ku₆ lipic tuku a₂ nam-ur-saj-ja₂gur₄-ra nir-jal₂
⁸²muru₉ dugud-gin₇ ni₂ kinam-mi-in-us₂ a-da-min₃-e ba-an-gub
⁸³in mucen-e a-na-am₃ mu-ni-in-dub₂-bacag₄-ce₃ nu-mu-un-na-an-gid₂
⁸⁴gu₂ ki-ce₃ <la>-ba-an-da-an-jar inimbur₂-bi im-me
⁸⁵2-kam-ma-ce₃ ku₆-e mucen-ramu-na-ni-ib-gi₄-gi₄
⁸⁶ka ur₂gu₂-gur₅ jiri₃ su-ul-su-ul ka ha-la emesal-sal
⁸⁷nam-nu-zu-a-ta gu₃ e-da-ra-ah ni₂-zu adli-bi₂-gi₄
⁸⁸mah gu₇-gu₇ saj cu zig₃bi₂-ib₂-dug₄-ga kisal-ece₁₀ si-si
⁸⁹kisal-luh tur e₂-e sa la₂-e ec₂mu-ri-ib₂-sar-re
⁹⁰muhaldim lu₂-bappir-e i₃-du₈e₂-a til₃-la zi mu-e-da-an-ni-re-ec
⁹¹mucen nam-mah-ju₁₀ ejer-bi nu-e-zukum-zukumbar-ja₂ en₃ li-bi₂-in-tar
⁹²sig₉-ga kalag-ga-ja₂nu-mu-e-de₃-zu inim u₃-bu-bu-ul i₃-bal
⁹³nij₂-ak-ja₂ ki-biu₃-mu-e-kij₂ dirig-ce₃ ni₂sun₅-ni-ib
⁹⁴inim-zu nam-tag dugud im-ma-ab-tum₃ ni₂-zuad li-bi₂-gi₄
⁹⁵je₂₆-eku₆-me-en he₂-jal₂ ec₃ sikil-latec₂-ba jar-a-me-en
⁹⁶nidba gal-gale₂-kur za-gin₃-ce₃(1 ms. has instead: du₈ mah nidba gal-galdijir-re-e-ne-ka) saj il₂-la gub-me-en
⁹⁷^dacnan-gin₇cag₄-jar kalam-ma-ce₃ ba-jal₂-le-ena₂-tah-ni je₂₆-e-me-en
⁹⁸uj₃-e jectug₂-gama-an-du₃-du₃ igi-bi mu-ci-jal₂
⁹⁹buru₁₄ ezen-gin₇mu-da-hul₂-le-ec en₃-tar-ju₁₀i₃-jal₂
¹⁰⁰mucen nij₂-gal-gal a-na mu-e-dim₂-ma-zugur₄-ra-ba ga-ri-ib-zu
¹⁰¹sun₇-na ka lul-la bal-e-zu cu-za ga-ba-ni-ib-si
¹⁰²ud-bi-aku₆-e mucen-ra sa₂im-sig₁₀-sig₁₀-ge^u₂-ßa-mar
¹⁰³sig₉-ga lul-ba^{ca-qum-mi-icsa-ri-<ic>} a₂-ba mu-un-DU.DU
¹⁰⁴ud mucen gud₃ ba-zig₃-ga-gin₇amar-bi-ce₃ nij₂-gu₇-bitum₃-de₃
¹⁰⁵ku₆-e ki sig₉-ga^{ac-ra-amca-qum-mi-ic} a₂-bamu-un-kij₂-kij₂
¹⁰⁶gud₃ jar-ra u₂sig₁₀-sig₁₀-ga-ni ec₃lil₂-la₂ mu-un-sig₃
¹⁰⁷e₂ du₃-du₃-a-ni mu-un-gul-gulerim₃-ma-ni mu-un-bu
¹⁰⁸nunuz jar-jar-ra-ni bi₂-in-gaz-gaz ab-baim-mi-in-cu₂
¹⁰⁹ku₆-e mucen-ramu-ni-in-sig₁₀-sig₁₀^i-ce-er-ma a-e ba-da-an-kar
¹¹⁰ud-bi-a mucen igi pirij-ja₂ umbinhu-ri₂-in^mucen-na
¹¹¹gud₃-bi-ce₃ a₂ dub₂i₃-ak-e dal-le-bi saj im-gi₄^{a-naqi₂-ni u₂-/ur₂-ri₂\ car-hi-/ic\ip-pa-/ra₂\-ac}
¹¹²tum₉-mar-uru₅an-cag₄-ga-ce₃bu₄-bu₄-gin₇^i-ca-a an-namu-un-ninni₂^{u₂-na-ra-¡ic^?}
¹¹³mucen-e gud₃-bi-ce₃ igi tab-baa₂-ur₂ ba-bur₂-bur₂^{uc-ta-pa-ri-ir}
¹¹⁴gud₃ jar-ra u₂sig₁₀-sig₁₀-ga-ni edin dajali₃-zukum-e
¹¹⁵ka-bi nu-gig-gin₇ an-cag₄-ga gu₃mu-un-dub₂-dub₂-be₂^i-ca-gu-um
¹¹⁶mucen-eku₆-ra mu-un-ninni₂ ambari₃-kij₂-kij₂
¹¹⁷mucen-e ku₆-ra engur-ra igi im-ma-an-du₈jectug₂ ba-ci-in-gub
¹¹⁸i-gi₄-in-zu a-e ba-da-kar umbinmu-ni-in-la₂
¹¹⁹agargara tur-tur-bi tec₂-bi bi₂-in-jar-jarzar-re-ec mu-un-du₈-du₈
¹²⁰mucen-e cu-jar-bi im-mi-in-gi₄ cag₄-bi/mu\-[...]
¹²¹2-kam-ma-ce₃ mucen-e ku₆-ramu-un-na-ni-/ib\-[gi₄-gi₄]
¹²²galam-ma hu-ruu₂-hub₂ jalga suh₃ ku₆nam-ta-ed₂-[X]
¹²³kar [(X)] ninni₂ ka-ka-bi nu-gu₇cag₄-gal ud cu₂-uc-e
¹²⁴cah₂ is-hab₂ ce₁₀ni₂-bi gu₇-gu₇ saj cubi₂-in-dug₄-ga
¹²⁵lu₂en-nu-uj₃ ja₂-ja₂ bad₃-da(ms: ucbar) til₃-lani₂-bi-ta sur-ra
¹²⁶ku₆ ja₂-ra izi-gin₇mu-un-bar₇ ki cakir₃ mu-un-jar
¹²⁷nu-zu-a-zu saj cu-bal ba-ab-gid₂ cu uc₂-ai-ni-sud
¹²⁸cag₄ gur₄-ra ni₂-bi ak-a-bani₂-bi mu-un-gul-gul
¹²⁹je₂₆-e mucen an-na dal-dal-me-en ki-adu-du-me-en
¹³⁰DU.DU-ju₁₀-ce₃ anmu-sa₄-a-ba a-la mu-un-ci-jal₂-le-me-en
¹³¹[...] ku₆-e nun gal-e-ne ba-cum₂-mu-uc
¹³²numun saj-[ja₂-me-en]/amar\-ju₁₀ amar saj-ja₂-am₃
¹³³X [...][e₂]-/kur\/za-gin₃-ce₃\ X saj il₂-la mu-un-DU
¹³⁴[...] ki X [...] ud ul-li₂-a-ce₃
¹³⁵X in-bi /sig₉^?\-ga-gin₇uj₃ car₃-re im-me
¹³⁶[ur₅]-ta^!nam-mah-ju₁₀ ejer-bi nu-zu gu₂ki-ce₃ la₂-a-ni
¹³⁷2-kam-ma-ce₃ mucen-eku₆-e in-ce₃ mu-ni-in-dub₂
¹³⁸ud-bi-a ku₆-e mucen-ra ka ba-ab-du₈ igi hucum-mi-in-ci-il₂
¹³⁹ka /lul-la\-ta ni₂ na-an-sukud-de₃di-kud-me i₃-dab₅
¹⁴⁰di-kud /ka\-ac-bar-me^den-ki-ke₄ di-me ga-ba-an-na-gub
¹⁴¹2-na-/ne-ne\ zagsag₁₁-be₂-ec du₁₄ hulmu₂-be₂-ec
¹⁴²gur₄-ra nam-mah-bizu-zu-u₃-de₃
¹⁴³/murub₄\eridug^ki-ga du₁₄ kiba-ni-ib₂-us₂a-da-min₃i₃-ak-e-ne(1 ms. has instead:a-da-<min₃>-na ba-gub)
¹⁴⁴[X]-ne-e za-/pa\-aj₂ gud-gin₇ lum-lum-e
¹⁴⁵[...] X [...]-gin₇ kucum i₃-tag-tag-ge
¹⁴⁶[lugal][^d]cul-gi dumu^den-lil₂-la₂-ra
¹⁴⁷[...] /saj^?\ il₂^? ni₂mu^?-te-en di-da-am₃i₃-kij₂-kij₂
¹⁴⁸[...] endug₄-ga zid-da inim-ju₁₀-ucjectug₂-zu
¹⁴⁹[...] X mu-e-/re^?\-sig₁₀ nunuzki ba-ni-in-tag
¹⁵⁰[(X) X X saj]-e-ec mu-/un\-rig₇/gu₇-naj\-bi-ce₃ ba-an-cum₂
¹⁵¹[...] mu-e-ni-jar-ra
¹⁵²[...] e₂-ju₁₀ ba-gul-gul
¹⁵³[gud₃ u₂]/sig₁₀\-sig₁₀-ga-ju₁₀ ec₃ lil₂-e bi₂-in-sig₃
¹⁵⁴[e₂-ju₁₀ mu-un-gul]-gulerim₃-ma-ju₁₀ mu-un-bu
¹⁵⁵[nunuz-ju₁₀ mu-ni]-in-gaz-gaz ab-eum-mi-ib^!-cu₂
¹⁵⁶[...] /dug₄\-ga-ju₁₀en₃ tar-re di-ju₁₀ gur^?-a-ni
¹⁵⁷[...] igi-tab-ba ni₂ ki-ce₃ba-ab-la₂
¹⁵⁸[...]-/bi\ inimmu-un-dab₅-ba-e
¹⁵⁹[...] mah-am₃ cag₄-taim-mi-ib₂-dug₄
¹⁶⁰inim-zu inim kug-ga-am₃ nij₂cag₄ dug₃-ge-dam
¹⁶¹/en\-na-me-ce₃ du₁₄-damu₂-mu₂-de₃ba-an-dab₅-dab₅-be₂-ec(1 ms. has instead:ba-an-da-dab₅-be₂-de₃-en-ze₂-en)
¹⁶²[...] X dab₅-ba-gin₇ dallamu-na-ta-ed₂
¹⁶³[...] /ud\ du₇-du₇-gin₇tec₂-bi mu-un-du₇-du₇
¹⁶⁴[...]/si-sa₂ ba^?-na^?\-X-am₃dug₃-ge-ec ha-ma-ja₂-ja₂
¹⁶⁵jic-hur me si-sa₂ ki-ur₃-me ga-ba-e-zu^{du-ru-ci-ni KI [...]}
¹⁶⁶^den-ki lugalabzu-[ke₄] sa₂ pad₃-de₃ inim-magal-zu-me-en^{ka-ac-du wa-tu-u₂ mu-di}
¹⁶⁷ku₆ mucen-bi-daim-ma-ni-ib₂-/gi₄\-[gi₄]
¹⁶⁸mucene₂-kur-ra DU.DU-bi he₂-du₇mu₇-mu₇-bi dug₃-[ga-am₃]
¹⁶⁹^jicbancur kug^den-lil₂-la₂-ta mucen palil-zu X[...]
¹⁷⁰e₂ dijir gal-gal-e-ne-ka za-pa-aj₂mu-un-na-/ja₂-ja₂\ [...]
¹⁷¹za-pa-aj₂-bi-ce₃ dijir^da-nun-naim-ci-hul₂-hul₂-[le-ec]
¹⁷²kij₂-sig unu₂ galdijir-re-e-ne-ke₄ me-te-ac im-mi-[ib-jal₂]
¹⁷³e₂-gallugal-la-ke₄(1 ms. hasinstead:[^d]cul-gi-ra)ur₅-ca₄-bi dug₃-ga [...]
¹⁷⁴^jicbancurcul-gi dumu^den-lil₂-la₂-ka sajan-/ce₃\ [... -il₂]
¹⁷⁵lugal zi /su₃-ud\-[jal₂ ...] X X X[...]
¹⁷⁶X /pirij\-bi /PAD^?\ [...]-ge-ec [...]
¹⁷⁷ku₆ /nam-nun-na\ X [...] X X
¹⁷⁸ud-bi-aku₆ mucen [...] X X [X]
1 line missing
¹⁸⁰[...] /dub₂^?\
1 line missing
¹⁸²[...] i-ni-in-[X]
¹⁸³[...] /kalam\-ma mu-/un\-X X
¹⁸⁴[...] he₂-jal₂ ab sikil [...]
¹⁸⁵[...]-na^den-/ki\ [...]/saj\-e-ec mu-/un-rig₇\
¹⁸⁶[...]-/dab₅^?\-be₂-en X[...]-ninni₂
¹⁸⁷/abzu^?\eridug^ki-ga[...] mucen IGI X [X]
¹⁸⁸ku₆ mucen-bi-da a-da-min₃dug₄-/ga\
¹⁸⁹mucen-e ku₆-e dirig-ga-a-ba
¹⁹⁰a-a^den-kiza₃-mi₂

Top |translation |bibliography

Revision history

10.v.1999-30.vi.1999 : JAB : standardisation
07.i.2000 : GZ : proofreading
12.i.2000 : GC : tagging
18.ii.2000 : ER : proofreading SGML
18.ii.2000 : ER : converting to HTML 4.0
7.ix.2001 : ER : header and footer reformatted; substantive content of file notchanged

[8]ページ先頭