Ba chóir do mhúinteoirí páistí a chumasú le heolas, tuiscint agus scileanna a fhorbairt sna réimsí seo a leanas:

• Lúthchleasaíocht (bunús na reathaíochta, na léime agus an chaithimh)
• Damhsa (is féidir go leor gníomhaíochtaí a nascadh leis an cheol agus leis an drámaíocht)
• Cluichí (seoladh, glacadh agus taisteal)
• Gleacaíocht (rialú simplí agus gluaiseacht)
• Snámh (riachtanach ag Eochairchéim 2 amháin).

Ba chóir go mbainfeadh páistí sult as an chorpoideachas agus go mothódh siad go bhfuil rud bainte amach acu, agus iad ag tabhairt faoi ghníomhaíochtaí nuálacha a éiríonn níos dúshlánaí de réir a chéile. Ba chóir go mbeadh tuiscint agus meas ag páistí ar na buntáistí a bhaineann le gníomhaíocht choirp agus ar an bhaint idir gníomhaíocht choirp agus dea-shláinte.

Ba chóir do pháistí eolas, tuiscint agus scileanna a fhorbairt trí chlár Coirpoideachais atá leathan agus cothrom. Cuirfidh sin ar a gcumas dóibh páirt a ghlacadh i réimse de ghníomhaíochtaí coirp agus tabhairt fúthu go hinniúil.

Le tuilleadh eolais a fháil, féach na Riachtanais Reachtúla don Chorpoideachas ag Eochairchéim 1 agus Eochairchéim 2.

Caithfidh deiseanna a bheith ag páistí na Scileanna Traschuraclaim (Cumarsáid,Úsáid na Matamaitice agusÚsáid TFC) agus naScileanna Smaointeoireachta agus Ábaltachtaí Pearsanta a fhorbairt tríd an Chorpoideachas.